ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର : ଗୋଟିଏ ପଟେ ସାଂସଦ ଅପରାଜିତା ଷଡଙ୍ଗୀକୁ ବିରୋଧ । ଅନ୍ୟପଟେ ସାଂସଦ ଜନ୍ମଦିନ ଉତ୍ସବର ଫଟୋ ସେୟାର କରିଛନ୍ତି । ଗତକାଲି ଟାଙ୍ଗୀ ବ୍ଲକ ଓଲସିଙ୍ଗ ପଞ୍ଚାୟତର ଏକ ବୈଠକରେ ଯୋଗଦେବାକୁ ସାଂସଦ ଯାଉଥିଲେ । ଏହି ସମୟରେ ଦଳୀୟ କର୍ମୀ ଓ ନେତା ତାଙ୍କ କାରକୁ ଅଟକାଇଥିଲେ । ଆଉ ଗୋ ବ୍ୟାକ ନାରା ଦେଇଥିଲେ । ଆଶିଷ ବାରିସଲ ଜିଲ୍ଲା ପରିଷଦ ନିର୍ବାଚନରେ ବିଜେପିରୁ ପ୍ରାର୍ଥୀ ହୋଇଥିଲେ । କିନ୍ତୁ ଏହାପରେ ତାଙ୍କୁ ଅଣଦେଖା କରାଯାଉଥିବା ସେ ଅଭିଯୋଗ ଆଣିଛନ୍ତି । ସାଂସଦ ତାଙ୍କ ଅଞ୍ଚଳକୁ ଆସି ବୈଠକ କରୁଛନ୍ତି । କିନ୍ତୁ ତାଙ୍କୁ ଡକାନଯିବାରୁ ସେ ଓ ତାଙ୍କ ସମର୍ଥକ ବିରୋଧ କରିଛନ୍ତି । ଏହାପରେ ଘଟଣାସ୍ଥଳରେ ପୋଲିସ ପହଞ୍ଚି ବିଜେପି କର୍ମୀଙ୍କୁ ରାସ୍ତାରୁ ହଟାଇଥିଲା । ଆଉ ସାଂସଦ ନିଜ କାର୍ଯ୍ୟକ୍ରମରେ ଯୋଗ ଦେଇଥିଲେ । ସେପଟେ ସାଂସଦ ଅପରାଜିତା ଷଡଙ୍ଗୀ କିଛି ଫଟୋ ଟ୍ୱିଟ୍ କରିଛନ୍ତି । ଯେଉଁଥିରେ ସେ ଏକ ଛୋଟ ପିଲାର ଜନ୍ମଦିନ ପାଳନ ଉତ୍ସବରେ ଯୋଗ ଦେଇଥିବା ଦେଖିବାକୁ ମିଳିଛି । ଏହି ଜନ୍ମଦିନ ଉତ୍ସବରେ ଅନେକ ମହିଳା ମଧ୍ୟ ସାମିଲ ଥିବା ଦେଖିବାକୁ ମିଳିଛି । ନିଜ ନିର୍ବାଚନମଣ୍ଡଳୀର ଏହି ଜନ୍ମଦିନ ପାଳନ ହୋଇଥିବା ଅପରାଜିତା ଟ୍ୱିଟରେ ସ୍ପଷ୍ଟ କରିଛନ୍ତି ।
