ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର ; ବଦଳିଲେ ରାଜ୍ୟ ବିଜେପି ସଭାପତି, ଭାରତୀୟ ଜନତା ଦଳ ଓଡିଶା ଶାଖା କୁ ମିଳିଲା ନୂଆ ସଭାପତି । ରାଜ୍ୟ ବିଜେପି ସଭାପତି ହେଲେ ମନମୋହନ ସାମଲ । ସଭାପତି ମନମୋହନ ସାମଲଙ୍କୁ ବିଜେପି ଅଧ୍ୟକ୍ଷ ଜେ.ପି ନଡ୍ଡା ନିଯୁକ୍ତି ଦେଇଛନ୍ତି । ପୂର୍ବ ରୁ ସମୀର ମହାଁନ୍ତି ବିଜେପି ର ସଭାପତି ଥିଲେ, ସମୀର ମହାନ୍ତିଙ୍କ ଜାଗା ନେଲେ ମନମୋହନ ସାମଲ । ଆଗକୁ ୨୦୨୪ ସାଧାରଣ ନିର୍ବାଚନ ଥିବାରୁ ବିଜେପି ପକ୍ଷରୁ ଏହା ପ୍ରସ୍ତୁତି ବୋଲି କୁହାଯାଉଛି । ଧାମନଗର ଉପ-ନିର୍ବାଚନ ରେ ଦଳ କୁ ଅଧିକ ବଳ ଦେଇଥିଲେ ମନମୋହନ ଫଳରେ ଧାମନଗରରେ ବିଜୟ ର ସ୍ୱାଦ ଚାଖିଥିଲା ବିଜେପି, ପୂର୍ବରୁ ମଧ୍ୟ ରାଜ୍ୟ ବିଜେପିର ସଭାପତି ଭାବେ ଦାୟିତ୍ୱ ତୁଲାଇସାରିଛନ୍ତି ମନମୋହନ । ୨୦୦୪ ରୁ ୨୦୦୯ ଭିତରେ ସେ ବିଧାୟକ ଏବଂ ରାଜସ୍ୱ ମନ୍ତ୍ରୀ ଭାବେ ମଧ୍ୟ ଦାୟିତ୍ୱ ତୁଲାଇସାରିଛନ୍ତି ଏଣୁ ସଂଗଠନ କୁ ନେଇ ତାଙ୍କର ବେଶ ଅଭିଜ୍ଞତା ବି ରହିଛି, ଏବେ ପୁଣି କେନ୍ଦ୍ରୀୟ ନେତୃତ୍ୱ ତାଙ୍କୁ ଭରସା କରିଛନ୍ତି ।
ରିପୋର୍ଟ – ସ୍ମୃତିରେଖା
