ସନଷ୍ଟାର ଟିଭି ବ୍ୟୁରୋ
ସୁନ୍ଦରଗଡ଼: ଆକ୍ସନ ମୁଡରେ ୫ଟି ସଚିବ ଭି.କେ ପାଣ୍ଡିଆନ | ଗାଁ ଗାଁ ବୁଲି ଚାଲିଛି ବିକାଶର ଅନୁଧ୍ୟାନ | ଗ୍ରାଉଣ୍ଡ ଜିରୋରେ ଉନ୍ନୟନ ପ୍ରକଳ୍ପର ଅନୁଧ୍ୟାନ କରୁଛନ୍ତି ୫ଟି ସଚିବ ଭି.କେ ପାଣ୍ଡିଆନ । ସୁନ୍ଦରଗଡ଼ ଗସ୍ତର ଦ୍ଵିତୀୟ ଦିନରେ ଘୋଘରଠାରେ ଥିବା ଘୋଘରେଶ୍ଵର ଶିବ ମନ୍ଦିରରେ ପୂଜାର୍ଚ୍ଚନା କରିଛନ୍ତି । ମନ୍ଦିରରେ ପୂଜାର୍ଚ୍ଚନା କରିବା ସହ ପୂଜକ ଓ କର୍ମକର୍ତ୍ତାଙ୍କ ସହ ଆଲୋଚନା କରିବା କାର୍ଯ୍ୟକ୍ରମ ରହିଛି ।
ଗତକାଲି ଜିଲ୍ଲାର ୪ ବ୍ଲକ ସହିତ ମହାନଗର ନିଗମ କାର୍ଯ୍ୟାଳୟରେ ସମୀକ୍ଷା କରି ଲୋକଙ୍କ ସହ ଆଲୋଚନା କରିଥିଲେ ୫ଟି ସଚିବ । ସେହିପରି ଗୁରୁଣ୍ଡିଆ, ବଣାଇ, କୋଇଡ଼ା, ବିରମିତ୍ରପୁର ବ୍ଲକରେ ସ୍ମାର୍ଟ ସ୍କୁଲକୁ ଯାଇ ପିଲାଙ୍କ ସହ ଆଲୋଚନା କରିଥିଲେ । ସୁବିଧା, ଅସୁବିଧା ସମ୍ପର୍କରେ ପଚାରି ଆବଶ୍ୟକତା ଯୋଗାଇ ଦେବାକୁ ପ୍ରତିଶ୍ରୁତି ଦେଇଥିଲେ । ଜୀବନର ଲକ୍ଷ୍ୟକୁ ଆପଣାଇ ଭବିଷ୍ୟତ ଗଢ଼ିବାକୁ ଛାତ୍ରଛାତ୍ରୀଙ୍କୁ ପରାମର୍ଶ ଦେଇଥିଲେ ୫ଟି ସଚିବ । ଆଜି ମଧ୍ୟ ବିଭିନ୍ନ ସ୍ଥାନକୁ ଯାଇ ଉନ୍ନୟନ କାର୍ଯ୍ୟର ତଦାରଖ କରିବେ ୫ଟି ସଚିବ ଭି.କେ ପାଣ୍ଡିଆନ ।
ରିପୋର୍ଟ: ଦୀପା ପ୍ରଧାନ
