ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର ; ନବ ଦାସ ହତ୍ୟା ପ୍ରସଙ୍ଗରେ, ବର୍ଷିଲେ ବର୍ଷା । ବିଜେପି ଉପରେ ବର୍ଷିର୍ଛନ୍ତି ପଦମପୁର ବିଜେଡି ବିଧାୟିକା ବାର୍ଷା ସିଂ ବରିହା । ନବ ଦାସ ହତ୍ୟାକୁ ନେଇ ଟ୍ୱିଟ୍ କରି ବିଜେପି କୁ ଟାର୍ଗେଟ୍ କରିଛନ୍ତି ବର୍ଷା । ଜଣେ ମୃତ ଲୋକଙ୍କୁ ନେଇ ହୀନ ରାଜନୀତି କରୁଛି ବିଜେପି । ମନମାନି ଚଳାଇଛନ୍ତି କେନ୍ଦ୍ରମନ୍ତ୍ରୀ । ପୂର୍ବତନ ମନ୍ତ୍ରୀ ନବ କିଶୋର ଦାସଙ୍କ ମୃତ୍ୟୁ ପରେ କିଛି ଦିନ ହେବ ତାଙ୍କୁ ନିନ୍ଦିତ କରିବାକୁ ଉଦ୍ୟମ କରୁଛନ୍ତି ବିଜେପି ର ବହୁ ନେତା, ଯାହାକୁ ନେଇ ଟ୍ୱିଟର ଜରିଆରେ କଡା ସମାଲୋଚନା କରିଲେ ବିଧାୟିକା ବର୍ଷା । ହିନ୍ଦୁ ପରମ୍ପରା ଏବଂ ଓଡିଆ ସଂସ୍କୃତି ରେ ଏହା ଆଦୌ ଗ୍ରହଣୀୟ ନୁହେଁ, ଏହାକୁ ଆଦୌ ବରଦାସ୍ତ କରାଯିବ ନାହିଁ, କହିବା ସହ, ବର୍ଷା କହିଛନ୍ତି ଯେ ମୋ ବାପାଙ୍କ ଦେହାନ୍ତ ସମୟରେ ମଧ୍ୟ ବିଜପେିର କିଛି ନେତା ଠିକ୍ ଏଭଳି ହୀନ କାମ କରୁଥିଲେ । ରାଜନୈତିକ ମନ୍ତବ୍ୟ ରଖି ଜଣେ ଦିବଙ୍ଗତ ନେତାଙ୍କ ପ୍ରତି କଟୁ ମନ୍ତବ୍ୟ ଦେବାରୁ ବିଜେପି ଦୂରେଇ ରହିବାକୁ ଅନୁରୋଧ କରିଛନ୍ତି ବର୍ଷା । ସ୍ୱର୍ଗତ ନବ ଦାସଙ୍କ ଚରିତ୍ରସଂହାର କରିବାକୁ କୁପ୍ରୟାସ କରୁଛନ୍ତି ତା ଫଳରେ ତାଙ୍କ ଝିଅ ଓ ପରିବାର ନିଶ୍ଚୟ ମାନସିକ ଯନ୍ତ୍ରଣା ଭୋଗୁଥିବେ ବୋଲି ବର୍ଷା ତାଙ୍କ ଟ୍ୱିଟ୍ ରେ ଉଲ୍ଲେଖ କରିଛନ୍ତି ।
ରିପୋର୍ଟ ; ସ୍ମୃତିରେଖା
