ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ବଲିଉଡ ଫିଲ୍ମ ଉପରେ ପୁରସ୍କାର ବର୍ଷା | ବଲିଉଡର ଅନେକ ସୁପରହିଟ ସେନେମାକୁ ମିଳିଛି ବହୁ ଚର୍ଚ୍ଚିତ ଆୱାର୍ଡ | ଯାହାକୁ ନେଇ ଖୁସି ହେଇଛନ୍ତି ଫିଲ୍ମ ନିର୍ଦ୍ଦେଶକ | ସୂଚନା ଅନୁଯାୟୀ, ବହୁ ଚର୍ଚିତ ଫିଲ୍ମ ‘ଦ କାଶ୍ମୀର ଫାଇଲ୍ସ କୁ ମିଳିଛି ଦାଦା ସାହେବ ଫାଲକେ ଆୱାର୍ଡ |’ ଏହି ପୁରସ୍କାର ପାଇବା ପରେ ଫିଲ୍ମ ନିର୍ଦ୍ଦେଶକ ବିବେକ ଅଗ୍ନିହୋତ୍ରୀ କହିଛନ୍ତି ଯେ, ଏହି ପୁରସ୍କାରକୁ ମୁଁ କାଶ୍ମୀର ହିନ୍ଦୁଙ୍କୁ ଉତ୍ସର୍ଗ କରୁଛି | ଏବଂ ସବୁ ଭାରତୀୟଙ୍କ ଭଲପାଇବା ପାଇଁ ଏହି ପୁରସ୍କାର ମିଳିଛି | ସେହିପରି ଏସଏସ ରାଜାମୌଲିଙ୍କ ଫିଲ୍ମ ‘ଆରଆରଆର କୁ ମିଳିଛି ଫିଲ୍ମ ଅଫ୍ ଦି ଇୟର ପୁରସ୍କାର |’
ଏହାସହ ଫିଲ୍ମ ‘ଗଙ୍ଗୁବାଇ’ ପାଇଁ ଆଲିଆ ଭଟ୍ଟଙ୍କୁ ମିଳିଛି ଶ୍ରେଷ୍ଠ ଅଭିନେତ୍ରୀର ପୁରସ୍କାର | ଏବଂ ଫିଲ୍ମ ‘ବ୍ରହ୍ମାସ୍ତ୍ର’ ପାଇଁ ରଣବୀର କପୁରଙ୍କୁ ମିଳିଛି ଶ୍ରେଷ୍ଠ ଅଭିନେତା ଆୱାର୍ଡ । ଏହା ସହ ଅନୁପମ ଖେର, ରେଖା, ବରୁଣ ଧୱନ, ଋଷବ ସେଟ୍ଟୀଙ୍କୁ ମଧ୍ୟ ଏହି କାର୍ଯ୍ୟକ୍ରମରେ ପୁରସ୍କୃତ କରାଯାଇଛି |
ରିପୋର୍ଟ: ଦୀପା ପ୍ରଧାନ
