ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ଦିଲ୍ଲୀର ନୂଆ ମେୟର ହେଲେ ଆମ ଆଦମୀ ପାର୍ଟିର ଶେଲୀ ଓବରୟ | ଶେଲୀ ଓବରୟ ୧୫୦ ଭୋଟ ରେ ବିଜୟୀ ହୋଇଛନ୍ତି | ନିର୍ବାଚନ ଜିତିବା ପରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ୍ ,ମନିଷ ସିସୋଦିଆଙ୍କ ସମେତ ସୁପ୍ରିମକୋର୍ଟର ଚିଫ୍ ଜଷ୍ଟିସଙ୍କୁ ଧନ୍ୟବାଦ ଜଣାଇଲେ ଶେଲୀ ଓବରୟ |
ନିର୍ବାଚନ ଲାଗି ଏମସିଡି ଭବନ ଆଗରେ କରାଯାଇଥିଲା କଡା ସୁରକ୍ଷା ବ୍ୟବସ୍ଥା | ସୂଚନା ଅନୂଯାୟୀ ଭି.କେ. ସକ୍ସେନାଙ୍କ ପାଇଁ ୩ ଥର ଏହି ନିର୍ବାଚନ ସ୍ଥଗିତ ହୋଇଥିଲା | ଏହାକୁ ନେଇ ସୁପ୍ରିମକୋର୍ଟରେ ଆବେଦନ କରିଥିଲେ ଶେଲୀ ଓବରୟ | ଶେଷରେ ନିର୍ବାଚନ କରିବାକୁ ନିର୍ଦ୍ଦେଶ ଦେଇଥିଲେ ସିଜେଆଇ ଡି.ଓ୍ବାଇ ଚନ୍ଦ୍ରଚୂଡ଼ |
ଦିଲ୍ଲୀ ମେୟର ନିର୍ବାଚନରେ ମୋଟ ୨୬୬ ଜଣ ସାଂସଦ, ବିଧାୟକ ଓ କାଉନସିଲର ମତଦାନ କରିଥିଲେ | ଏମାନଙ୍କ ମାନ୍ଦ୍ୟରୁ ପ୍ରଥମ ଥର ପାଇଁ ମେୟର ନିର୍ବାଚନ ଜିତିଲେ ଶେଲୀ ଓବରୟ | ସେପଟେ ନିର୍ବାଚନ ଜିତିବା ପରେ ଆମ ଆଦମୀ ପାର୍ଟିକୁ ଧନ୍ୟବାଦ ଜଣାଇବା ସହ ,ଆସନ୍ତାକାଲି ଠାରୁ କାମ ଆରମ୍ଭ କରାଯିବ ବୋଲି କହିଛନ୍ତି ଶେଲୀ ଓବରୟ |
ରିପୋର୍ଟ: ଦୀପା ପ୍ରଧାନ
