ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: ଭୁବନେଶ୍ବର ୟୁନିଟ୍-୧ ଆଦିବାସୀ ପଡ଼ିଆରେ ଆରମ୍ଭ ହେଲା ରାଜ୍ୟସ୍ତରୀୟ ଆଦିବାସୀ ମେଳା | ଏହି ମେଳାକୁ ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦଘାଟନ କରିଛନ୍ତି | ଏହାସହ ଆଦିବାସୀ ଜନଜାତିଙ୍କ ସମସ୍ତ ଷ୍ଟଲ ବୁଲି ଦେଖିଥିଲେ ଏବଂ ମହିଳା ମାନଙ୍କ ସହ ଫଟୋ ମଧ୍ୟ ଉଠାଇଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ |
ସେପଟେ ଆଜିଠୁ ଆରମ୍ଭ ହେଲା ରାଜ୍ୟସ୍ତରୀୟ ଆଦିବାସୀ ମେଳା | ଦୀର୍ଘ ୧୫ ଦିନ ଧରି ଏହି ମେଳା ଅନୁଷ୍ଠିତ ହେବ | ଏହି ମେଳାରେ ଆଦିବାସୀଙ୍କ କଳା ସାମଗ୍ରୀ, ଖାଦ୍ୟ, ଆଦିବାସୀ ହାଟ ଆଦି ସମସ୍ତ ପ୍ରସ୍ତୁତି କରାଯାଇଛି | ଏହାସହ ପ୍ରତିଦିନ ସନ୍ଧ୍ୟାରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯିବ | ସୂଚନା ଅନୁଯାୟୀ ଦିନ ସାଢ଼େ ୨ଟାରୁ ରାତି ୯ଟା ଯାଏ ଏହି ମେଳା ଖୋଲା ରହିବ |
