ସନଷ୍ଟାର ଟିଭି ବ୍ୟୁରୋ
ପଦ୍ମପୁର: ପଦ୍ମପୁରରେ ପହଞ୍ଚିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ | ପଦ୍ମପୁର ଉପନିର୍ବାଚନରେ ବିପୁଳ ମାତ୍ରାରେ ବିଜୟୀ ହୋଇଥିବାରୁ ପଦ୍ମପୁରବାସୀଙ୍କୁ ଧନ୍ୟବାଦ ଜଣାଇବେ | ଉପନିର୍ବାଚନରେ ବିଜୟୀ ହେବା ପରେ ଆଜି ପଦ୍ମପୁରବାସୀଙ୍କୁ ଭେଟିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ | ପଦ୍ମପୁର ବସି ଆଜି ସ୍ୱତନ୍ତ୍ର ଉପହାର ଭେଟିଦେବେ ମୁଖ୍ୟମନ୍ତ୍ରୀ | ଏହାସହ ଝାରବନ୍ଧ, ପାଇକମାଳ ଓ ପଦମପୁରରେ କରିବେ ବିଭିନ୍ନ ପ୍ରକଳ୍ପର ଭିତିପ୍ରସ୍ତର ସ୍ଥାପନ । ଏଥିସହ ମିଶନ ଶକ୍ତି ଏସଏଚଜି ଗ୍ରୁପଙ୍କୁ ଆର୍ଥିକ ସହାୟତା ପ୍ରଦାନ କରିବେ ।
ସେପଟେ ବରଗଡ଼ ସୀତାଭାଟି ଏୟାରଷ୍ଟ୍ରିପରେ ବିମାନରେ ଯାଇ ପହଞ୍ଚିଲେ ମୁଖ୍ୟମନ୍ତ୍ରୀ । ସେଠାରୁ ସ୍ବତନ୍ତ୍ର ହେଲିକପ୍ଟରରେ ଝାରବନ୍ଧ ଯାଇ ଜନସାଧାରଣଙ୍କୁ ଧନ୍ୟବାଦ ଜଣାଇବେ | ସେପଟେ ମୁଖ୍ୟମନ୍ତ୍ରୀଙ୍କୁ ସ୍ୱାଗତ କରିବା ପାଇଁ ଉତ୍ସାହିତ ଅଛନ୍ତି ପଦମପୁରବାସୀଙ୍କ | ନବୀନଙ୍କ ଜୟ ଜୟ ଧ୍ବନୀରେ କମ୍ପୁଛି ପଦ୍ମପୁର |
କଥା ଦେଇ କଥା ରଖିଛନ୍ତି ମୁଖ୍ୟମନ୍ତ୍ରୀ | ପଦ୍ମପୁର ବାସୀଙ୍କୁ ଦେଇଥିବାସ ପ୍ରତିଶ୍ରୁତିକୁ ଆଜି ପୁରା କରିବେ ମୁଖ୍ୟମନ୍ତ୍ରୀ | ସେଥିପାଇଁ ଆଜି ପଦ୍ମପୁରରେ ନବୀନଙ୍କ କ୍ରେଜ ଦେଖିବାକୁ ମିଳୁଛି | ଦିନ ୧୧ଟାରେ ବରଗଡ଼ରେ ପହଞ୍ଚି ଯାଇଛନ୍ତି ମୁଖ୍ୟମନ୍ତ୍ରୀ | ଏହାପରେ ସାଢେ ୧୧ଟାରେ ଝାରବନ୍ଧ କାର୍ଯ୍ୟକ୍ରମ ସ୍ଥଳରେ ପହଞ୍ଚିବେ । ସାଢେ ୧୨ ଟାରେ ପାଇକମାଳ ଓ ଅପରାହ୍ନ ୩ ଟା ୫୫ରେ ପଦମପୁର କାର୍ଯ୍ୟକ୍ରମ ସ୍ଥଳରେ ପହଞ୍ଚିବେ ମୁଖ୍ୟମନ୍ତ୍ରୀ । ସେଠାରେ ମୁଖ୍ୟମନ୍ତ୍ରୀ ଉଦବୋଧନ ଦେବେ | ଝାରବନ୍ଧ ବ୍ଲକର ଶକ୍ତି ଛକ ପଡିଆ, ପାଇକମାଳ ହାଇସ୍କୁଲ ପଡିଆ ଓ ପଦମପୁର ଷ୍ଟାଡିୟମରେ ମୁଖ୍ୟମନ୍ତ୍ରୀ ପଦମପୁର ବାସୀଙ୍କୁ ଧନ୍ୟବାଦ ଦେବେ ।
ସେପଟେ ପଦ୍ମପୁର ଉପନିର୍ବାଚନ ସମୟରେ ମୁଖ୍ୟମନ୍ତ୍ରୀ ଦେଇଥିବା ସମସ୍ତ ପ୍ରତିଶ୍ରୁତି ପାଳନ ହୋଇଥିବାବେଳେ ଆଉ କଣ ଘୋଷଣା କରିବେ ମୁଖ୍ୟମନ୍ତ୍ରୀ ତାହା ଉପରେ ରହିଛି ସମସ୍ତଙ୍କ ନଜର | ସୂଚନା ଅନୁଯାୟୀ ପଦ୍ମପୁରକୁ ଜିଲ୍ଲା ମାନ୍ୟତା ଘୋଷଣା କରିପାରନ୍ତି ମୁଖ୍ୟମନ୍ତ୍ରୀ | ଏହା ସହ କେନ୍ଦୁପତ୍ର ତୋଳାଳୀଙ୍କ ପାଇଁ ମଧ୍ୟ କିଛି ବଡ ଘୋଷଣା କରିପାରନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ |
କାରଣ ଉପନିର୍ବାଚନ ସମୟରେ ପଦ୍ମପୁରବାସୀଙ୍କୁ ଦିଆଯାଇଥିଲା ବିଭିନ୍ନ ପ୍ରତିଶୃତି | ସେଥିମଧ୍ୟରେ ସବୁଠୁ ବଡ ପତିଶ୍ରୁତି ହେଉଛି ୨୦୨୩ ରେ ପଦ୍ମପୁରକୁ ଜିଲ୍ଲା ମାନ୍ୟତା ପାଇଁ ପ୍ରତିଶ୍ରୁତି ଦେଇଥିଲେ ମୁଖ୍ୟମନ୍ତ୍ରୀ , ଯାହା ଆଜି କାଲି ପୂରଣ ହେବାକୁ ଯାଉଛି | କଥା ଦେଇ କଥା ରଖିବେ ମୁଖ୍ୟମନ୍ତ୍ରୀ |
ସେପଟେ ମୁଖ୍ୟମନ୍ତ୍ରୀଙ୍କ ପଦ୍ମପୁର ଗ୍ରସ୍ତ ପାଇଁ ସଜେଇ ହୋଇଛି ପଦ୍ମପୁର | ଏହାସହ ଶାନ୍ତି ଶୃଙ୍ଖଳାର ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କାର୍ଯ୍ୟକ୍ରମ ଶେଷ କରିବାକୁ ପ୍ରଶାସନ ସଜାଗ ରହିଛି | ଏଥିପାଇଁ ୨୫ ପ୍ଲାଟୁନ ପୋଲିସ ଫୋର୍ସ, ୫ ଜଣ ଆଡିସନାଲ ଏସପି, ୧୬ ଜଣ ଡିଏସପି ମୁତୟନ ହୋଇଛନ୍ତି |
ରିପୋର୍ଟ: ଦୀପା ପ୍ରଧାନ
