ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: ଆସନ୍ତା କାଲି ପଦ୍ମପୁର ଯିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ | ପଦ୍ମପୁର ଉପନିର୍ବାଚନର ବୃହତ ବିଜୟ ପରେ ପ୍ରଥମ ଥର ପଦ୍ମପୁର ଯାଉଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ | ମୁଖ୍ୟମନ୍ତ୍ରୀଙ୍କ ଗସ୍ତ ପାଇଁ ପଦ୍ମପୁରରେ ଚାଲିଛି ଜୋରଦାର ପ୍ରସ୍ତୁତି | ବହୁତ ଦିନ ପରେ ପଦ୍ମପୁର ବାସୀଙ୍କ ଆଶା ପୂରଣ ହେବାକୁ ଯାଉଛି |
ପଦ୍ମପୁର ଉପନିର୍ବାଚନ ସମୟରେ ମୁଖ୍ୟମନ୍ତ୍ରୀ ଦେଇଥିବା ସମସ୍ତ ପ୍ରତିଶ୍ରୁତି ପାଳନ ହୋଇଥିବା ଆଉ କଣ ଘୋଷଣା କରିବେ ମୁଖ୍ୟମନ୍ତ୍ରୀ ତାହା ଉପରେ ରହିଛି ସମସ୍ତଙ୍କ ନଜର | ସୂଚନା ଅନୁଯାୟୀ ପଦ୍ମପୁରକୁ ଜିଲ୍ଲା ମାନ୍ୟତା ଘୋଷଣା କରିପାରନ୍ତି | ଏହା ସହ କେନ୍ଦୁପତ୍ର ତୋଳାଳୀଙ୍କ ପାଇଁ ମଧ୍ୟ କିଛି ବଡ ଘୋଷଣା କରିପାରନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ | କାରଣ ଉପନିର୍ବାଚନ ସମୟରେ ପଦ୍ମପୁରବାସୀଙ୍କୁ ଦିଆଯାଇଥିଲା ବିଭିନ୍ନ ପ୍ରତିଶୃତି | ସେଥିମଧ୍ୟରେ ସବୁଠୁ ବଡ ପତିଶ୍ରୁତି ହେଉଛି ୨୦୨୩ ରେ ପଦ୍ମପୁରକୁ ଜିଲ୍ଲା ମାନ୍ୟତା ପାଇଁ ପ୍ରତିଶ୍ରୁତି ଦେଇଥିଲେ ମୁଖ୍ୟମନ୍ତ୍ରୀ , ଯାହା ଆସନ୍ତା କାଲି ପୂରଣ ହେବାକୁ ଯାଉଛି |
ସେପଟେ ପ୍ରତିଶ୍ରୁତି ପୂରଣ ଦିଗରେ ଆଗେଇ ଚାଲିଛି ପ୍ରକ୍ରିୟା | ଗତକାଲି ମୁଖ୍ୟମନ୍ତ୍ରୀ ପଦ୍ମପୁର ପହଞ୍ଚି ପଦ୍ମପୁର ନିର୍ବାଚନ ମଣ୍ଡଳୀର ପାଇକମାଳ ଓ ଝାରବନ୍ଧ ପଡିଆରେ ଜନସାଧାରଣଙ୍କୁ ଉଦବୋଧନ ଦେବେ | ସେପଟେ ମୁଖ୍ୟମନ୍ତ୍ରୀଙ୍କ ପଦ୍ମପୁର ଗ୍ରସ୍ତକୁ ନେଇ ପଦ୍ମପୁରରେ ଖୁସିର ଲହରୀ ଖେଳିଯାଇଛି |
ରିପୋର୍ଟ: ଦୀପା ପ୍ରଧାନ
