ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର ; ତେଲେଙ୍ଗାନା ମୁଖ୍ୟମନ୍ତ୍ରୀ KCR ଙ୍କ ଜାତୀୟ ଦଳ BRS ରେ ଯୋଗ ଦେଇଛନ୍ତି ଓଡିଶାର କିଛି ଟାଣୁଆ ନେତା । ଯାହାକୁ ନେଇ ରାଜ୍ୟ ରାଜନୀତିରେ ଏବେ ଚର୍ଚ୍ଚା ଓ ଆଲୋଚନା ଲାଗି ରହିଛି । ସେପଟେ ଯୋଗ ଦେଇଥିବା ନେତା ଓଡିଶା ରାଜନୀତିରେ ପରିବର୍ତ୍ତନ ଆସିପାରେ ବୋଲି ମଧ୍ୟ ଦୃଢୋକ୍ତି ରଖିଛନ୍ତି କିନ୍ତୁ ଏ ପ୍ରସଙ୍ଗରେ କିଛି ଭିନ୍ନ ମତ ରଖିଛନ୍ତି ବିଜେଡି ସାଂଗଠନିକ ସମ୍ପାଦକ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସ । ପ୍ରଣବ କହିଛନ୍ତି ଯେ ନିର୍ବାଚନ ଆସିଲେ ମିଶ୍ରଣ ପର୍ବ କିଛି ନୂଆ କଥା ନୁହେଁ, ଅନ୍ୟ ଦଳ ରେ କଣ ଘଟୁଛି ତାହା ମଧ୍ୟ ବିଜେଡି ପାଇଁ ଗୁରୁତ୍ୱ ନୁହେଁ, ବିଜେଡି ର ପ୍ରସଙ୍ଗ ବିକାଶ ଏବଂ ଓଡିଶାବାସୀ ଦୀର୍ଘ ୨୫ ବର୍ଷ ହେବ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିକାଶ ଧାରା ସହିତ ଯୋଡି ହୋଇ ରହିଛନ୍ତି । ଏଣୁ ବିଜେଡି ଜନହିତକର ଯେଜନାର କାର୍ଯ୍ୟକାରିତା ଓ ତୃଣମୂଳ ସ୍ତରରେ କିଭଳି ଅଧିକ ରୁ ଅଧିକ ଲୋକଙ୍କ ପାଖରେ ଦଳ ପହଞ୍ଚିବ ସେ ଦିଗରେ ବେଶି ଗୁରୁତ୍ୱ ଦେଉଥିବା କଥା ପ୍ରକାଶ କରିଛନ୍ତି ପ୍ରଣବ, ଏହାସହ ପୁଣି ବିଜେଡିକୁ ଜିତାଇ ଷଷ୍ଠ ଥର ପାଇଁ ନବୀନ ପଟ୍ଟନାୟକଙ୍କୁ ମୁଖ୍ୟମନ୍ତ୍ରୀ କରିବାକୁ ଦଳ ମନସ୍ଥ କରିଥିବା କହିଛନ୍ତି ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ।
