ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ସାଉଥ ସୁପରଷ୍ଟାର ପ୍ରଭାସ ଓ କ୍ରୀତି ସାନନଙ୍କ ମଧ୍ୟରେ ଥିବା ପ୍ରେମ ସମ୍ପର୍କକୁ ନେଇ ଏବେ ବି ଟାଉନ ରେ ଚର୍ଚ୍ଚା ହେଉଛି | ଏପରିକି ଦୁହେଁ ପରସ୍ପର କୁ ଡେଟ କରୁଥିବା କୁହାଯାଉଛି | କେବେଳ ସେତିକି ନୁହେଁ ,ଖୁବଶୀଘ୍ର ଦୁହିଁଙ୍କ ନିର୍ବନ୍ଧ ହେବ ବୋଲି ଚର୍ଚ୍ଚା ହେଉଛି | ଏ ସମ୍ପର୍କରେ ଦୁହେଁ କିଛି ସ୍ପଷ୍ଟ କରିନଥିଲେ ମଧ୍ୟ ଚର୍ଚ୍ଚାକୁ ଖଣ୍ଡନ କରିନାହାନ୍ତି | ‘ଆଦିପୁରୁଷ ଫିଲ୍ମ ସୁଟିଂ ସେଟରେ ପ୍ରଭାସ କ୍ରୀତିଙ୍କୁ ପ୍ରପୋଜ କରିଥିବା କୁହାଯାଉଛି | ପ୍ରଥମେ ଦୁହିଁଙ୍କ ମଧ୍ୟରେ ଥିବା ପ୍ରେମ ସମ୍ପର୍କକୁ ନେଇ ଅଭିନେତା ବରୁଣ ଧାୱନ ଏକ ଶୋ ରେ କିଛି ସୂଚନା ଦେଇଥିଲେ | ଅବେଭି ଏହି କଥା ଉପରେ ମୋହର ଲଗାଇଛନ୍ତି ଫିଲ୍ମ ସମୀକ୍ଷକ ଉମେର ସିନ୍ଧୁ | ସେ ସାମାଜିକ ଗଣମାଧ୍ୟମରେ ଏନେଇ ଏକ ପୋଷ୍ଟ ସେୟାର କରି ସଭିଙ୍କ ଦୃଷ୍ଟି ଆକର୍ଷଣ କରିଛନ୍ତି | ସେ ସେଥିରେ ଲେଖିଛନ୍ତି ,” ଆଦିପୁରୁଷ ସେଟର ସୁଟିଂ ସମୟରେ ପ୍ରଭାସ ଓ କ୍ରୀତିଙ୍କୁ ପ୍ରେମ ନିବେଦନ କରିଛନ୍ତି | ଏବେ ସେମାନେ ପ୍ରେମ ସମ୍ପର୍କରେ ଅଛନ୍ତି | ଖୁବଶୀଘ୍ର ସେମାନଙ୍କର ନିର୍ବନ୍ଧ ହେବ |” ଏହି କଥା ଏବେ ସାମାଜିକ ଗଣମାଧ୍ୟମରେ ବେଶ ଭାଇରଲ ହେବାରେ ଲାଗିଛି |
ରିପୋର୍ଟ : ଦୀପା ପ୍ରଧାନ
