ସନଷ୍ଟାର ଟିଭି ବ୍ୟୁରୋ
ଗାନ୍ଧୀନଗର: ପରଲୋକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମା’ | ୧୦୦ ବର୍ଷରେ ଆଖି ବୁଜିଲେ ହୀରାବେନ | ୨ ଦିନ ପୂର୍ବେ ହୀରା ବେନ୍ ଅହମ୍ମଦାବାଦର ଏକ ହସ୍ପିଟାଲ୍ରେ ଭର୍ତ୍ତି ହୋଇଥିଲେ। ତେବେ ଚିକିତ୍ସାଧୀନ ଅବସ୍ଥାରେ ଗତକାଲି ବିଳମ୍ବିତ ରାତି ୩ଟା ୩୦ ମିନିଟରେ ହୀରା ବେନ୍ଙ୍କ ଦେହାନ୍ତ ହୋଇଛି।
ତେବେ ମା’ଙ୍କ ଦେହାନ୍ତରେ ଭାଙ୍ଗିପଡିଛନ୍ତି ପ୍ରଧାନମନ୍ତ୍ରୀ | ଏକ କୋହଭରା ଟ୍ୱିଟ୍ରେ ମୋଦି ଲେଖିଛନ୍ତି ଭଗବାନଙ୍କ ପାଦରେ ଏକ ଗୌରବମୟ ଶତାବ୍ଦୀର ଅନ୍ତ ହୋଇଛି। ମା’ ଜଣେ ନିସ୍ୱାର୍ଥପର କର୍ମଯୋଗୀ ଥିଲେ ବୋଲି ମୋଦି ଲେଖିଛନ୍ତି। ଲୁହଭରା ଆଖିରେ ମାଙ୍କୁ ଶେଷ ବିଦାୟ ଦେଲେ ପ୍ରଧାନମନ୍ତ୍ରୀ | ମା’ଙ୍କୁ ମୁଖାଗ୍ନି ଦେଇ ଭାଙ୍ଗିପଡିଛନ୍ତି ମୋଦି |
ସେପଟେ ତେବେ ହୀରାବେନ୍ଙ୍କ ଦେହାନ୍ତରେ ବିଶିଷ୍ଟ ବ୍ୟକ୍ତି ଶୋକ ପ୍ରକାଶ କରିଛନ୍ତି। ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହଙ୍କ ସମେତ ଗୁଜରାଟ, ଆସାମ, ଉତ୍ତର ପ୍ରଦେଶ, ମଧ୍ୟପ୍ରଦେଶ ମୁଖ୍ୟମନ୍ତ୍ରୀ, ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା, ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା, ଆନ୍ଧ୍ର ରାଜ୍ୟପାଳ ବିଶ୍ୱଭୂଷଣ ହରିଚନ୍ଦନ, ବରିଷ୍ଠ ରାଜନେତା ଗୁଲାମ ନବୀ ଆଜାଦଙ୍କ ପ୍ରମୁଖ ଶୋକ ପ୍ରକାଶ କରିଛନ୍ତି।
