ସନଷ୍ଟାର ଟିଭି ବ୍ୟୁରୋ
ପଦ୍ମପୁର: ସରିଲା ୨୩ ରାଉଣ୍ଡ ଗଣତି | ବିପୁଳ ମାତ୍ରରେ ବିଜୟୀ ହେଲା ବିଜୁ ଜନତା ଦଳ | ମୋଟ ୨୩ ରାଉଣ୍ଡରେ ସମସ୍ତଙ୍କୁ ପଛରେ ପକାଇଲେ ବିଜେଡି ପ୍ରାର୍ଥୀନୀ ବର୍ଷା ସିଂ ବରିହା | ଏହା ବିଜେଡି ପାଇଁ ଏକ ଶୁଭ ସଂକେତ |ମୋଟ ୨୩ତମ ରାଉଣ୍ଡରେ ମୋଟ ୪୧୯୪୬ ଖଣ୍ଡ ଭୋଟରେ ଜିତିଲା ବିଜେଡି | ବିଜେଡି଼ ପ୍ରାର୍ଥୀ ବର୍ଷା ସିଂ ବରିହାଙ୍କୁ ପଦମପୁର ଭୋଟର ସମର୍ଥନ ଦେଇଛନ୍ତି । ପଦ୍ମପୁରରେ ବାଜିଲା ଶଙ୍ଖ | ବର୍ଷାଙ୍କ ଲୁହର ମୂଲ୍ୟ ଦେଲେ ପଦ୍ମପୁରବାସୀ | ଆଜି ବାପାଙ୍କ ସ୍ବପ୍ନ କୁ ପୂରଣ କଲେ ଝିଅ ବର୍ଷା ସିଂ |
ବର୍ଷାଙ୍କୁ ମୋଟ ୧ ଲକ୍ଷ ୧୮ ହଜାର ୮୫୮ ଭୋଟ ମିଳିଛି । ଅନ୍ୟପକ୍ଷରେ ବିଜେପିର ପ୍ରଦୀପ ପୁରୋହିତଙ୍କୁ ୭୭ ହଜାର ୧୮୫ ଭୋଟ୍ ମିଳିଛି । ସେହିଭଳି କଂଗ୍ରେସର ସତ୍ୟଭୂଷଣ ସାହୁଙ୍କୁ ମିଳିଛି ୩୫୩୧ ଖଣ୍ଡ ଭୋଟ।
ସେପଟେ ବର୍ଷାଙ୍କ ବିଜୟ ପରେ ପଦମପୁରରେ ଉତ୍ସବର ପରିବେଷ ସୃଷ୍ଟି ହୋଇଛି । ବର୍ଷା ନିଜ ବିଜୟ ପାଇଁ ଭୋଟରଙ୍କୁ ଧନ୍ୟବାଦ ଜଣାଇଥିବା ବେଳେ ତାଙ୍କ ଉପରେ ଆସ୍ଥା ପ୍ରକଟ କରିଥିବାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ମଧ୍ୟ ଧନ୍ୟବାଦ ଜଣାଇଛନ୍ତି ।
ରିପୋର୍ଟ: ଦୀପା ପ୍ରଧାନ
