ସନଷ୍ଟାର ଟିଭି ବ୍ୟୁରୋ
ପିପିଲି : ଦୀପାବଳି ରେ ଅଶାନ୍ତ ହେଲା ପିପିଲି | ପୂର୍ବ ଶ୍ରତୁତା କୁ କେନ୍ଦ୍ର କରି ପିପିଲିରେ ଯୁବକକୁ ଗୁଳିକାଣ୍ଡ । ଗୁରୁତର ଅବସ୍ଥାରେ ଯୁବକ କୁ ଚିକିତ୍ସା ପାଇଁ ପ୍ରଥମେ ପିପିଲି ଓ ପରେ ଭୁବନେଶ୍ୱର କ୍ୟାପିଟାଲ ହସ୍ପିଟାଲ କୁ ପଠାଇ ଦିଆଯାଇଛି । ଯୁବକର ଜଙ୍ଘରେ ରେ ଗୁଳି ମାଡ଼ ହୋଇଥିବା ସୂଚନା ରହିଛି ।
ସେପଟେ ଗୁଳିକାଣ୍ଡ ପରେ ବୋମା ଫୁଟିଥିଲା ପିପିଲି ନରସିଂହପୁରରେ । ଏନେଇ ଆତଙ୍କିତ ସ୍ଥାନୀୟ ବାସିନ୍ଦା ।ସୂଚନା ଅନୁଯାୟୀ , ଗତ କିଛିଦିନ ତଳେ କମେଣ୍ଟ ମରାକୁ କେନ୍ଦ୍ର କରି ପିପିଲିରେ ଯୁବକକୁ ଆକ୍ରମଣ ଓ ବିଭିନ୍ନ ସ୍ଥାନରେ ବୋମା ମାଡ଼ ପରେ ଆଜି ଗୁଳିକାଣ୍ଡ ଘଟିଛି। ଆହତ ଯୁବକ ହେଲେ ପିପିଲି ଉଜାଣି ପଡ଼ା ର ସାନୁ ଓରଫ ସନାତନ ପ୍ରଧାନ ।
ତେବେ ଘଟଣା ସ୍ଥଳରେ ପୁରୀ ଅତିରିକ୍ତ ଏସ୍ପି ପୂର୍ଣ୍ଣଚନ୍ଦ୍ର ପ୍ରଧାନ ପହଂଚିଥିଲେ । ପିପିଲି ଥାନାରେ ପହଁଚି ପିପିଲି ଏସ୍ଡିପିଓ ସହିତ ଆଲୋଚନା କରିଥିଲେ । ପରିସ୍ଥିତି ଉତ୍ତେଜନା ଥିବାରୁ ପରିସ୍ଥିତି ନିୟନ୍ତ୍ରଣ ପାଇଁ ପିପିଲିରେ ପହଞ୍ଚିଲା ଏକ ପ୍ଲାଟୁନ ପୋଲିସ ଫୋର୍ସ।
ରିପୋର୍ଟ : ନିଗମାନନ୍ଦ ଶର୍ମା
