ସନଷ୍ଟାର ଟିଭି ବ୍ୟୁରୋ
ଉଦଳା ; ମାଛ ଧରିବା ପାଇଁ ବିଛାଇଥିଲେ ବିଦ୍ୟୁତ ତାର… ହେଲେ ସେହି ବିଦ୍ୟୁତ ଆଘାତରେ ଚାଲିଗଲା ଯୁବକଙ୍କ ପ୍ରାଣ..ଏଭଳି ଘଟଣା ଘଟିଛି କପ୍ତିପଦା ଥାନା ନୁନ୍ଦୁରସାହି ଗ୍ରାମରେ…. ଗ୍ରାମର ସନ୍ତୋଷ କୁମାର ବେହେରା ଅନ୍ୟ ଗ୍ରାମବାସୀଙ୍କ ସହିତ ମିଶି ବନ୍ଧରୁ ମାଛ ଧରିବା ନିମନ୍ତେ ବନ୍ଧରେ ବିଦ୍ୟୁତ ତାର ପକାଇ ବିଦ୍ୟୁତ ସଂଯୋଗ କରିଥିଲେ..ବିଦ୍ୟୁତ ଆଘାତ ପାଇ ମାଛ ପାଣିରୁ ବାହାରକୁ ଆସିବେ ଏବଂ ମାଛ ଧରିବେ ବୋଲି ଜଗିଥିଲେ ସମସ୍ତେ…ହେଲେ ବିଦ୍ୟୁତ ଥିବା ସେହି ବନ୍ଧରେ ପଡି ଯାଇଥିଲେ ସନ୍ତୋଷ…ବିଦ୍ୟୁତ ଆଘାତରେ ଗୁରୁତର ହୋଇ ପଡ଼ିଥିଲେ ସନ୍ତୋଷ…ଉପସ୍ଥିତ ସମସ୍ତେ ସନ୍ତୋଷ ଙ୍କୁ ଉଦ୍ଧାର କରି ଚିକିତ୍ସା ନିମନ୍ତେ ଉଦଳା ଡାକ୍ତରଖାନାକୁ ଆଣି ଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ…ଖବର ପାଇ କପ୍ତିପଦା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ଘଟଣାର ତଦନ୍ତ ଆରମ୍ଭ କରିଛି….ମାଛ ପାଇଁ ବିଛାଇଥିବା ଫାଶରେ ନିଜେ ଯୁବକ ଫଶି ଯିବା ଘଟଣା ସ୍ଥାନୀୟ ଅଂଚଳରେ ଚର୍ଚ୍ଚାର ବିଷୟ ପାଲଟିଛି….
ରିପୋର୍ଟ ; ଆଲୋକ ବେହେରା
