ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ଆଜି ପ୍ରକାଶ ପାଇବ ଏଆଇସିସି ଫଳାଫଳ | ଆଜି କଂଗ୍ରେସସ କୁ ମିଳିବ ନୂଆ ମୁଖିଆ | ମଲ୍ଲିକାର୍ଜ୍ଜୁନ ଖଡଗେ ଏବଂ ଶଶି ଥରୁରଙ୍କ ମଧ୍ୟରେ ଚାଲିବ ଟକ୍କର | ନୂଆ ସଭାପତି ବାଛିଛନ୍ତି ଦେଶର ୯ ହଜାରରୁ ଅଧିକ ପିସିସି ସଦସ୍ୟ | ମତଦାନ ହାର ରହିଛି ୯୬ ପ୍ରତିଶତ | ଦେଶର ୬୫ କେନ୍ଦ୍ରରେ ମତଦାନ ହୋଇଛି |ସୂଚନା ଅନୁଯାୟୀ ଅଧିକାଂଶ ସଦସ୍ୟ ମଲ୍ଲିକାର୍ଜ୍ଜୁନ ଖଡଗେଙ୍କୁ ସମର୍ଥନ କରିଥିବା ଜଣାପଡିଛି |
ତେବେ ଯିଏ ବି ସଭାପତି ହୁଅନ୍ତୁ ତାହା କଂଗ୍ରେସର ବିଜୟ ହେବ ବୋଲି ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ କହିଛନ୍ତି | ଦିଲ୍ଲୀରେ କଂଗ୍ରେସ ଅନ୍ତରୀଣ ସଭାନେତ୍ରୀ ସୋନିଆ ଗାନ୍ଧୀ ଓ ସାଧାରଣ ସମ୍ପାଦିକା ପ୍ରିୟଙ୍କା ଗାନ୍ଧୀ ଭୋଟ ଦେଇଥିଲ | ବରିଷ୍ଠ କଂଗ୍ରେସ ନେତା ପି ଚିଦାମ୍ବରମ, ଜୟରାମ ରମେଶ ପ୍ରମୁଖ ଦିଲ୍ଲୀରେ ମତଦାନ କରିଥିଲେ |ସେହିପରି ଭାରତ ଯୋଡୋ ଯାତ୍ରାରେ ଥିବା ରାହୁଲ କର୍ଣ୍ଣାଟକର ବେଲାରୀରେ ଭୋଟ ଦେଇଥିଲେ | ଗତକାଲି ସମସ୍ତ ବାଲାଟ ବକ୍ସ ଦିଲ୍ଲୀକୁ ନିଆଯାଇଥିଲା | ଆଜି ଭୋଟ ଗଣତି ପରେ ଫଳାଫଳ ପ୍ରକାଶ ପାଇବ |
ରିପୋର୍ଟ ; ଦୀପା ପ୍ରଧାନ
