ସନଷ୍ଟାର ଟିଭି ବ୍ୟୁରୋ
ମୁମ୍ବାଇ: ଆଉ ନାହାନ୍ତି ବରିଷ୍ଠ ଅଭିନେତା ଅରୁଣ ବଳି । ୭୯ ବର୍ଷ ବୟସରେ ମୁମ୍ବାଇରେ ତାଙ୍କର ପରଲୋକ ହୋଇଛି । ଅନେକ ଦିନ ହେବ ସେ ଅସୁସ୍ଥ ଥିଲେ । ନ୍ୟୁରୋଲୋଜି ଜନିତ ସମସ୍ୟାରେ ପିଡୀତ ଥିଲେ ଅରୁଣ । ଆଜି ମୁମ୍ବାଇର ହିରନଆନନ୍ଦାନି ହସ୍ପିଟାଲରେ ଶେଷ ନିଶ୍ବାସ ତ୍ୟାଗ କରିଛନ୍ତି ।
ଜଣେ ବରିଷ୍ଠ କଳାକାରଙ୍କୁ ହରାଇ ଶୋକରେ କଳାଜଗତ ।ଅରୁଣ ବଳି ୯୦ ଦଶକରୁ ତାଙ୍କ ଅଭିନୟ କ୍ୟାରିୟର ଆରମ୍ଭ କରିଥିଲେ । ନିଜର ଦମଦାର ଅଭିନୟ ପାଇଁ ବଲିଉଡରୁ ନେଇ ଟିଭି ସିରିଅଲ ଜଗତରେ ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଥିଲେ ଅଭିନେତା ଅରୁଣ ।ବଲିଉଡ ଚଳଚ୍ଚିତ୍ର 3 ଇଡିଅଟ, କେଦାରନାଥ, ପାନିପଥ ଆଦି ଚଳଚ୍ଚିତ୍ରରେ ଅଭିନୟର ଛାପ ଛାଡିଯାଇଛନ୍ତି ଅରୁଣ । ଟିଭି ସିରିଅଲ କୁମକୁମ ଏକ ପ୍ୟାରା ସା ବନ୍ଧନ, ଶକ୍ତିମାନ, ଚାଣକ୍ୟ, ଦୁସରା କେବଲ, ମର୍ଯ୍ୟାଦା ଏବଂ ଆରୋହଣ ଭଳି ଅନେକ ସିରିଅଲରେ ତାଙ୍କର ଦମଦାର ଅଭିନୟ ଦେଖିବାକୁ ମିଳିଥିଲା ।
ରିପୋର୍ଟ : ଦୀପା ପ୍ରଧାନ
