ସନଷ୍ଟାର ଟିଭି ବ୍ୟୁରୋ
ମୁମ୍ବାଇ: ବଲିଉଡ ଅଭିନେତା ଅରମାନ୍ କୋହଲିଙ୍କୁ ଜାମିନ ପ୍ରଦାନ କରିଛନ୍ତି ବମ୍ବେ ହାଇକୋର୍ଟ।ଡ୍ରଗ୍ସ କାରବାର କରୁଥିବା ନେଇ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ବିଗ୍ ବସ୍ ଫେମ୍ ତଥା ଅଭିନେତା ଅରମାନ କୋହଲିଙ୍କୁ ଗିରଫ କରିଥିଲା। ଅଭିନେତା ଅରମାନ୍ କୋହଲିଙ୍କ ପାଖରୁ ୧.୨ ଗ୍ରାମର କୋକେନ ମିଳିବା ପରେ ୨୦୨୧ ମସିହା ଅଗଷ୍ଟ ୨୯ ରେ ଏନସିବି ତାଙ୍କୁ ଗିରଫ କରାଯାଇଥିଲା।ଜଷ୍ଟିସ ନୀତିନ ଶୁଣାଣି କରି ଅରମାନଙ୍କୁ ଜାମିନ ପ୍ରଦାନ କରିଛନ୍ତି । ୧ ଲକ୍ଷ ଟଙ୍କା ମୁଚାଳିକାରେ ଜେଲରୁ ମୁକ୍ତ ହୋଇପାରିବେ ଅରମାନ୍ ।
ସେପଟେ ,ହାଇକୋର୍ଟ ତାଙ୍କ ରାୟରେ କହିଛନ୍ତି, ଅରମାନଙ୍କ ପାଖରୁ କୋକେନ ଜବତ ହୋଇଥିଲେ ବି ସେ କୌଣସି ନିଶା ସଂକ୍ରାନ୍ତ କାରାବାରରେ ସମ୍ପୃକ୍ତ ନଥିବା ଜଣାପଡିଛି । ତେଣୁ ତାଙ୍କୁ ଜାମିନ ପ୍ରଦାନ କରାଯାଇଛି । ମାସକୁ ଥରେ ସେ ନିଶା ଆଇନ ପ୍ରବର୍ତ୍ତନ ଏଜେନ୍ସି କାର୍ଯ୍ୟାଳୟ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ସମ୍ମୁଖରେ ହାଜର ହେବେ ବୋଲି ହାଇକୋର୍ଟ ନିର୍ଦ୍ଦେଶ ଦେଇଛନ୍ତି ।ଜଷ୍ଟିସ ନୀତିନ କହିଛନ୍ତି ଯେ, କୋହଲିଙ୍କୁ ଜେଲରୁ ବାହାରକୁ ଆଣିବା ପାଇଁ ଶୀଘ୍ର ଅର୍ଡର ବାହାରିବ । ତେବେ କୋହଲିଙ୍କୁ ନଗଦ ଜାମିନ ପ୍ରଦାନ କରିବାକୁ କୋର୍ଟ ମନା କରି ଦେଇଛନ୍ତି । ପରିବାର ପକ୍ଷରୁ ମୁଚାଳିକା ପ୍ରଦାନ ପ୍ରକ୍ରିୟା କରାଯିବା ପରେ ହିଁ ମୁକୁଳିବେ ଅରମାନ ।
ଟିଭି ରିଆଲିଟି ସୋ ବିଗ୍ ବସର ଜଣେ ପ୍ରତିଯୋଗୀ ଥିଲେ ଅରମାନ ।ବଲିଉଡ ଚଳଚ୍ଚିତ୍ରରେ ବି ଜାନି ଦୁସମନ, ସଲମାନ ଖାନଙ୍କ ପ୍ରେମ ରତନ ଧନ ପାଓ ଭଳି ଫିଲ୍ମରେ ଅଭିନୟ କରିଛନ୍ତି ଅରମାନ ।
ରିପୋର୍ଟ ; ଦୀପା ପ୍ରଧାନ
