ସନଷ୍ଟାର ଟିଭି ବ୍ୟୁରୋ
କୋଲକାତା: ଶାଢ଼ି ପିନ୍ଧି ପଡ଼ିଆରେ ଫୁଟ୍ବଲ୍ ଖେଳିଲେ ତ୍ରୁଣ ମୂଳ କଂଗ୍ରେସ ସାଂସଦ ମହୁଆ ମୌତ୍ର | କୃଷ୍ଣନଗର ସାଂସଦ କପ୍ ଟୁର୍ଣ୍ଣାମେଣ୍ଟ୍ ୨୦୨୨ରେ ଯୋଗ ଦେଇ ଫୁଟ୍ବଲ୍ ଖେଳରେ ନିଜର ଦକ୍ଷତା ଦେଖାଇବାର ସୁଯୋଗ ଆଦୌ ହାତଛଡ଼ା କରିନାହାନ୍ତି ମହୁଆ ମୌତ୍ର। ଯାହା ଏବେ ସୋସିଆଲ ମିଡିଆରେ ବେଶ ଭାଇରଲ ହେଉଛି|ପଡିଆରେ ଶାଢ଼ି ସାଥିରେ ଜୋତା ପିନ୍ଧିବା ସହ ସନ୍ଗ୍ଲାସ ପିନ୍ଧି କ୍ରିକେଟ୍ ଖେଳୁଥିବା ଦେଖିବାକୁ ମିଳିଛି।
ଟିଏମ୍ସି ସାଂସଦ ଫୁଟ୍ବଲ୍ ଖେଳୁଥିବା ବେଳେ ତାଙ୍କର ୨ଟି ଫଟୋକୁ ମାଇକ୍ରୋବ୍ଲଗିଂ ସାଇଟ୍ ଟ୍ବିଟର୍ରେ ସେୟାର କରିଛନ୍ତି। ପ୍ରଥମ ଫଟୋରେ ସେ ବଲ୍କୁ ଗୋଇଠା ମାରୁଥିବାର ଦେଖିବାକୁ ମିଳିଥିବା ବେଳେ ଦ୍ବିତୀୟ ଫଟୋରେ ସେ ଜଣେ ଗୋଲ୍କିପର୍ ଭାବେ ଦେଖିବାକୁ ମିଳିଛି ।ସେ ଏହି ୨ଟି ଫଟୋକୁ ସେୟାର୍ କରି ସେଥିରେ କ୍ୟାପ୍ସନ ଲେଖିଛନ୍ତି, ‘କୃଷ୍ଣନଗର ସାଂସଦ କପ୍ ଟୁର୍ଣ୍ଣାମେଣ୍ଟ୍ ୨୦୨୨ ଫାଇନାଲ୍ରେ ମଜାର ମୁହୂର୍ତ୍ତ। ଏବଂ ହଁ, ମୁଁ ଶାଢ଼ିରେ ଖେଳିଲି।’
ରିପୋର୍ଟ ; ଦୀପା ପ୍ରଧାନ
