ସନଷ୍ଟାର ଟିଭି ବ୍ୟୁରୋ
ଚାନ୍ଦବାଲି ; ଅବକାରୀ ବିଭାଗ ତରଫରୁ ଚାନ୍ଦବାଲି ବ୍ଲକରେ ତିନୋଟି ସ୍ଥାନରେ ଚଢାଉ କରି ୫.୨ ଲିଟର ଦେଶୀ ମଦ ଓ ୨.୫ ଲିଟର ବିଦେଶୀ ମଦ ଜବତ କରାଯାଇଛି। ଆଜି ଚାନ୍ଦବାଲି ଅବକାରୀ ଥାନା ଅଧିକାରୀ ରବି ବେହେରାଙ୍କ ନେତୃତ୍ୱରେ ଏକ ଟିମ୍ ଚାନ୍ଦବାଲି ବ୍ଲକ ଘଂଟେଶ୍ୱର ବଜାର, ତୋଟାପଡା ଓ ମଝିସାହି ଗ୍ରାମରେ ଚଢାଉ କରାଯାଇ ଦେଶୀ ଓ ବିଦେଶୀ ମଦ ଜବତ କରାଯିବା ସହ ଆସାମୀ ମାନଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି। ଗିରଫ ହୋଇଥିବା ଅଭିଯୁକ୍ତ ମାନେ ହେଲେ ଘଂଟେଶ୍ୱର ବଜାରରୁ ମିଲନ ସ୍ୱାଇଁ (୨୫), ତୋଟାପଡା ଗ୍ରାମର ରାଜା ନାୟକ(୨୮) ଓ ମଝିସାହି ଗ୍ରାମର ଅଶୋକ ମାଝୀ (୪୨)। ଅବକାରୀ ପୋଲିସ ପୃଥକ୍ ପୃଥକ୍ ତିନୋଟି ମାମଲା ୪୮/୨୨, ୪୯/୨୨ ଓ ୫୦/୨୨ ନମ୍ବର ରୁଜୁ କରାଯାଇ କୋର୍ଟ ଚାଲାଣ କରାଯାଇଛି। ଏହି ଚଢ଼ାଉ ରେ ଅବକାରୀ ବିଭାଗ ତରଫରୁ ଏ.ଏସ.ଆଇ ସନ୍ତୋଷ ଦାସ, ସଂଜୟ ପାତ୍ର, ମୁରଲୀ ପ୍ରଧାନ, ଦୀପକ ରାଉତ, ଭବେଶ ଦାସ, ରଶ୍ମୀରେଖା ଜେନା, ଖଗେଶ୍ୱର ଜେନା ଓ ଶୁଭାଶିଷ ରାଉତ ପ୍ରମୁଖ ସାମିଲ ରହି ଚଢ଼ାଉ ଟିକୁ ସଫଳ କରିଥିଲେ।
ରିପୋର୍ଟ : ପ୍ରଶାନ୍ତ କୁମାର ପାଣି
