ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର; ପ୍ରତିବର୍ଷ ପରି ଚଳିତ ବର୍ଷ ମଧ୍ୟ ଉତ୍କଳ ବିଶ୍ୱବିଦ୍ୟାଳୟରେ ଛାତ୍ରଛାତ୍ରୀ ମାନେ ଗୁରୁ ଦିବସକୁ ବହୁ ଆଡମ୍ବରରେ ପାଳନ କରିଛନ୍ତି ।ଆଜିର ଏହି ପବିତ୍ର ଦିନରେ ଉତ୍କଳ ବିଶ୍ଵବିଦ୍ୟାଳୟ ବିଜୁ ଛାତ୍ର ଜନତା ଦଳର ସମସ୍ତ ଛାତ୍ରଛାତ୍ରୀ ମାନେ ଏକତ୍ରିତ ହୋଇ ଗୁରୁ ଶିଷ୍ୟ ର ଏହି ପରମ୍ପରାକୁ ବଜାୟ ରଖିବାକୁ ଅଧ୍ୟାପକ ଓ ଅଧ୍ଯାପିକା ମାନଙ୍କ ନିକଟକୁ ଯାଇ ପାରମ୍ପରିକ ଭାବେ ସିନ୍ଦୂର ଚନ୍ଦନ ଦେଇ ପୂଜାର୍ଚ୍ଚନା କରିଥିଲେ ଓ ସମସ୍ତଙ୍କ ଠାରୁ ଆଶୀର୍ବାଦ ଗ୍ରହଣ କରିଛନ୍ତି ।
ଗୁରୁ ସଦା ସର୍ବଦା ଶିଷ୍ୟମାନଙ୍କର ମଙ୍ଗଳ କାମନା କରିଥାନ୍ତି ।ଏହି ଅବସରରେ ଉପସ୍ଥିତ ସମସ୍ତ ଅଧ୍ୟାପକ ଓ ଅଧ୍ଯାପିକା ଛାତ୍ରଛାତ୍ରୀଙ୍କ ସଫଳ ଭବିଷ୍ୟତ କାମନା କରିଛନ୍ତି ।ତେବେ ଏହାକୁ ଲକ୍ଷ ରଖି ବିଜୁ ଛାତ୍ର ଜନତା ଦଳ ପକ୍ଷରୁ କୁହାଯାଇଛି ଯେ ସବୁ କ୍ଷେତ୍ରରେ ଗୁରୁଙ୍କୁ ସମ୍ମାନ ଦେବା ସମସ୍ତ ଛାତ୍ରଛାତ୍ରଙ୍କ କର୍ତ୍ତବ୍ୟ । ଏହା ମଧ୍ୟ କହିଛନ୍ତି ଯେ ଆଜି ଆମ ପରି ଶିଷ୍ୟକୁ ସମସ୍ତ ବିଦ୍ୟାରେ ପାରଙ୍ଗମ କରାଇବାରେ ଗୁରୁଙ୍କର ସବୁଠୁ ବଡ଼ ଭୂମିକା ରହିଛି। ତାଙ୍କର ପ୍ରେରଣା ଆଜି ଆମକୁ ସଫଳତା ହାସଲ କରିବା ପାଇଁ ଉତ୍ସାହ ଯୋଗାଇଛି
