ସନଷ୍ଟାର ଟିଭି ବ୍ୟୁରୋ
ପୁରୀ ; ପୁରୀ ଚକ୍ରତୀର୍ଥ ରୋଡ୍ ସ୍ଥିତ ସଂସ୍କୃତି ଭବନ ପରିସରରେ ପରିଦର୍ଶକର ୧୫ତମ ପ୍ରତିଷ୍ଠା ଦିବସ ମହାସମାରୋହରେ ପାଳିତ ହୋଇ ଯାଇଛି । ଅନୁଷ୍ଠାନ ପକ୍ଷରୁ ଆୟୋଜିତ ଧର୍ମ ସଭାର ବିଷୟବସ୍ତୁ ଥିଲା “ଅନାଦି ବ୍ରହ୍ମର ସ୍ବରୂପ” । ଉକ୍ତ ସଭାରେ ମୁଖ୍ୟ ଅତିଥି ତଥା ଉଦଘାଟଭାବେ ଅବତାରୀ ପୁରଷ ଏବଂ ସୁସ୍ଥ ଓ ସୁନାର ସମାଜ ଗଠନ ପାଇଁ ଅହରହ ଚେଷ୍ଟିତ ଥିବା ଶ୍ରୀ ଶ୍ରୀ ଅନାଦି ମହାରାଜ୍ ଯୋଗଦେଇ ବ୍ରହ୍ମ ଦାରୁ ବିଘ୍ରରେ ପୁଷ୍ପ ଅର୍ଘ୍ଯ ସହ ପ୍ରଦୀପ ପ୍ରଜ୍ବଳିତକରି କାର୍ଯ୍ୟକ୍ରମକୁ ଶୁଭାରମ୍ଭ କରିଥିଲେ ।ଏହି ଅବସରରେ ରାଜ୍ୟ ସ୍ତରୀୟ କବି ସମ୍ମିଳନୀ ସାରସ୍ବତ ସଭାର ଆୟୋଜନ କରାଯାଇଥିଲା । ଏବଂ କବିତା ପାଠତ୍ସବର ମୁଖ୍ଯ ଶିର୍ଷକ ଥିଲା “ସକଳ ଘଟେ ନାରାୟଣ” । ସାରସ୍ବତ ସଭାର ମୁଖ୍ୟ ଅତିଥି ଭାବେ ପୁରୀ ବିଧାୟକ ଜୟନ୍ତ ସଢଙ୍ଗୀ, ମୁଖ୍ୟ ବକ୍ତା ସୁକାନ୍ତ ପ୍ରଧାନ, ସମ୍ମାନିତ ଅତିଥି ବରିଷ୍ଠ ସାମ୍ବାଦିକ ପିତବାସ ମିଶ୍ର, ଭାଗବତ ତ୍ରିପାଠୀ, ସୁନିଲ କୁମାର ମିଶ୍ର, ପ୍ରମୁଖ ଯୋଗ ଦେଇଥିବା ବେଳେ ସଭାପତି ଭାବେ ପ୍ରତିଭା ତ୍ରିପାଠୀ ଏବଂ ଶିବ ପ୍ରସାଦ ମିଶ୍ର ସାରସ୍ବତ ମଞ୍ଚ ପରିଚାଳନା କରିଥିଲେ । ଭାଷା ଭାବନା ଓଡିଶା ଏବଂ ସମତା ସାହିତ୍ଯ ସମିତି କର୍ମକର୍ତ୍ତା ମାନେ ପୁର୍ଣ୍ଣ ସହଯୋଗ କରିଥିଲେ lଏଥିରେ ଦିଲ୍ଲୀ ଭାରତ ସେବା ଫାଉଣ୍ଡେସନ ତରଫରୁ ଵେଷ୍ଟ ଭାରତ ସେବା ସମ୍ମାନ ଶ୍ରୀମତୀ ରଶ୍ମିତା ଦଶମହାପାତ୍ର ଙ୍କୁ ଦିଆଯାଇଥିଲା
