ସନଷ୍ଟାର ଟିଭି ବ୍ୟୁରୋ
ଭୁବନେଶ୍ବର:ଶୂନ୍ୟକାଳରେ ପଡିଲା ଉଠିଲା ବିଧାନସଭା ଗୃହ। ସୋନିଆଙ୍କୁ ଇଡିର ସମନ୍ ନେଇ ତାରା କହିଲେ ଆଜି କଂଗ୍ରେସ ପାଇଁ ହେଉଛି କଳା ଦିବସ। ତାରାଙ୍କର କହିବା ଅନୁସାରେ କେନ୍ଦ୍ର ସରକାରରେ ବିଜେପି ଆସିବା ଦିନଠାରୁ ବିରୋଧୀ ମାନଙ୍କ ସମେତ ଗାନ୍ଧୀ ପରିବାର ଙ୍କ ବିରୁଦ୍ଧରେ ଇଡି କୁ ବ୍ୟବହାର କରୁଛନ୍ତି । ସୋନିଆଙ୍କୁ ଇଡିର ସମନ୍ ପ୍ରସଙ୍ଗରେ ପ୍ରତିବାଦ କରି ଗୃହ ମଧ୍ୟ ଭାଗକୁ ଆସିଥିଲେ କଂଗ୍ରେସ ବିଧାୟକ । କଂଗ୍ରେସର ପ୍ରତିବାଦ ପରେ ବିଜେପି ବିଧାୟକ ମଧ୍ୟ ପ୍ରତିବାଦ କରିଥିଲେ। ଉଭୟ ବିଜେପି କଂଗ୍ରେସ ବିଧାୟକ ଗୃହର ମଧ୍ୟ ଭାଗକୁ ଆସି ହଟ୍ଟଗୋଳ କରିଥିଲେ। ଯାହା ଫଳ ସ୍ବରୁପ ଗୃହ କାର୍ଯ୍ୟରେ ବାଧାସୃଷ୍ଟି ହେବାରୁ ବାଚସ୍ପତି ଗୃହକୁ ପ୍ରଥମେ ୧୦ ମିନିଟ ତାପରେ ୧୫ ମିନିଟ ପାଇଁ ମୁଲତବୀ କରିଥିଲେ। ସୂଚନାମୁତାବକ ନ୍ୟାସନାଲ ହେରାଲ୍ଡ ସହ ଜଡିତ ଟଙ୍କା ହେରଫେର ମାମଲାରେ ପଚରାଉଚରା ପାଇଁ କଂଗ୍ରେସ ମୁଖ୍ୟ ସୋନିଆ ଗାନ୍ଧୀ ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) କାର୍ଯ୍ୟାଳୟରେ ପହଞ୍ଚିଛନ୍ତି। କରୋନାଭାଇରସ୍ ରେ ଆକ୍ରାନ୍ତ ଥିବାରୁ ସେ ପୂର୍ବରୁ ନିର୍ଦ୍ଧାରିତ ହୋଇଥିବା ତାରିଖରେ ସୋନିଆ ଉପସ୍ଥିତ ହୋଇ ପାରି ନଥିଲେ। ଆଜି କଂଗ୍ରେସ ମୁଖ୍ୟ ସୋନିଆ ଗାନ୍ଧୀ ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) କାର୍ଯ୍ୟାଳୟରେ ପହଞ୍ଚିଛନ୍ତି। କରୋନା ପାଇଁ ତାଙ୍କୁ ଡାକ୍ତରଖାନାରେ ଭର୍ତ୍ତି ହେବାକୁ ପଡିଥିଲା।
