ସନଷ୍ଟାର ଟିଭି ବ୍ୟୁରୋ
ଭୁବନେଶ୍ବର: ଟେଲି ଓଡିଆ ଅଭିନେତ୍ରୀ ରାଜେଶ୍ୱରୀ ରାୟ ମହାପାତ୍ରଙ୍କ ଦେହାନ୍ତ ହୋଇଯାଇଛି। ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ପରଲୋକ । ସୂଚନାମୁତାବକ କ୍ୟାନସରରେ ସେ ପୀଡିତ ଥିଲେ। ଏବଂ ବହୁ ଦିନ ହବେ ଚିକିତ୍ସା ହେଉ ଥିଲେ । ତେବେ ରାଜେଶ୍ୱରୀଙ୍କ ମୃତ୍ୟୁରେ ସାରା ଓଲିଉଡ ଜଗତରେ ଶୋକର ଛାୟା ଖେଳିଯାଇଛି। ରାଜେଶ୍ୱରୀ ମସ୍ତିଷ୍କ ଏବଂ ଫୁସଫୁସ ଜନିତ କ୍ୟାନ୍ସରରେ ପୀଡିତ ଥିଲେ। ମୃତ୍ୟୁ ବେଳକୁ ତାଙ୍କୁ୩୭ ବର୍ଷ ହୋଇଥିବାର ସୂଚନା ମିଳିଛି।
ଜଣେ ଉପସ୍ଥାପକ ଭାବେ ନିଜର କ୍ୟାରିୟର ଆରମ୍ଭ କରିଥିଲେ ରାଜେଶ୍ୱରୀ। ଏହା ପରେ ସେ ଟେଲି କଳାକାର ଭାବେ ନିଜର ନାମ ଅର୍ଜନ କରିଥିଲେ। କେବଳ ଏତିକି ନୁହେଁ ଧୀରେ ଧୀରେ ସେ ଘରେ ଘରେ ପରିଚିତ ହୋଇଗଲେ। ନିଜର ଅଭିନୟଶୈଳୀ ପାଇଁ ସେ ଖୁବ ପ୍ରଶଂସା ମଧ୍ୟ ସାଉଁଟିଥିଲେ। ସିରିୟଲ କୁ ଛାଡିଦେଲେ ସେ ଓଡିଆ ଚଳଚିତ୍ର ରେ ମଧ୍ୟ ସେ ଖୁବ ନାମ କମାଇଛନ୍ତି। ୨୦୧୯ରେ ରାଜେଶ୍ୱରୀଙ୍କୁ କ୍ୟାନସର ହେବା କଥା ସେ ଜାଣିବାକୁ ପାଇଥିଲେ।
