ସନଷ୍ଟାର ଟିଭି ବ୍ୟୁରୋ
ରିପୋର୍ଟ:ଆସାମ ପୋଲିସ ଗୁରୁବାର ସନ୍ଧ୍ୟାରେ ଆସାମର କରିମଗଞ୍ଜ ଜିଲ୍ଲାର କାଥାଲଗୁଲରେ ଥିବା ଏକ ଗାଡିରୁ ୪ କୋଟି ଟଙ୍କା ମୂଲ୍ୟର ଡ୍ରଗ୍ସ ଜବତ କରିଛି। ଏହାସହ ଏହି ମାମଲାରେ ଜଣେ ବ୍ୟକ୍ତିଙ୍କୁ ମଧ୍ୟ ଗିରଫ କରାଯାଇଛି।
ଗିରଫ ବ୍ୟକ୍ତି ଜଣକ, ଅଫ୍ଟର ହୁସେନ୍, ପୂର୍ବତନ ମନ୍ତ୍ରୀ ଏବଂ କରିମଗଞ୍ଜ ଦକ୍ଷିଣ ବିଧାନସଭା ନିର୍ବାଚନମଣ୍ଡଳୀ ସିଦ୍ଧିକି ଅହମ୍ମଦଙ୍କ ସମ୍ପର୍କୀୟ। ସୂତ୍ରରୁ ପ୍ରକାଶ ଯେ ନିର୍ଦ୍ଦିଷ୍ଟ ସୂଚନାକୁ ଆଧାର କରି ପୋଲିସର ଏକ ଟିମ୍ ଭାରତ-ବାଂଲାଦେଶ ଅନ୍ତର୍ଜାତୀୟ ସୀମା ଦେଇ କରିମଗଞ୍ଜ ସହରଠାରୁ ପ୍ରାୟ ୩୦କିଲୋମିଟର ଦୂରରେ ଥିବା କାଥାଲଗୁଲରେ ଡେରା ପକାଇ ବସିଥିଲା। ଏହା ପରେ ସନ୍ଦେହ କରି ବୋଲେରୋ କାରକୁ ଅଟକାଇଥିଲା।
ଗାଡିରୁ ୩୯ ଟି ଛୋଟ ବାକ୍ସରେ ପୋଲିସ ପ୍ରାୟ ୪୭୭ଗ୍ରାମ ହିରୋଇନ ଜବତ କରିଛି। ଜବତ ହୋଇଥିବା ଔଷଧର ବାଜାରିକ ମୂଲ୍ୟ ପ୍ରାୟ ୪କୋଟି ଟଙ୍କା ବୋଲି ସୂତ୍ରରୁ ପ୍ରକାଶ।
ତେବେ ଏହି ଘଟଣାରେ ବିଧାୟକ ସିଦ୍ଦିକ ଅହମ୍ମଦ କହିଛନ୍ତି ଯେ ଅଫ୍ଟର ତାଙ୍କର “ଦୂର ସମ୍ପର୍କୀୟ” ଏବଂ ତାଙ୍କୁ ଆଇନ ଅନୁଯାୟୀ ଦଣ୍ଡିତ କରାଯିବା ଉଚିତ। “ଯେଉଁମାନେ ଅପରାଧ କରନ୍ତି ସେମାନଙ୍କୁ ଆଇନ ଅନୁଯାୟୀ ଦଣ୍ଡ ଦିଆଯିବା ଉଚିତ୍। ସେ ମୋର ସମ୍ପର୍କୀୟ କି ନୁହେଁ ଏଥିରେ କିଛି ଫରକ ପଡ଼ିବ ନାହିଁ ।ଆଇନ ସମସ୍ତଙ୍କ ପାଇଁ ସମାନ ବୋଲି ସିଦ୍ଦିକ କହିଛନ୍ତି।
