ଆବେ-ସାନ୍: ଧନ୍ୟବାଦ

ସନଷ୍ଟାର ଟିଭି ବ୍ୟୁରୋ

ରିପୋର୍ଟ: ଜାପାନର ପୂର୍ବତନ ପ୍ରଧାନମନ୍ତ୍ରୀ ସିଞ୍ଜୋ ଆବେଙ୍କୁ ଗୁଳି କରି ହତ୍ୟା କରାଯାଇଥିଲା। ତାଙ୍କର ଏହି ହତ୍ୟାରେ ଜାପାନ ସମେତ ସାରା ବିଶ୍ବ ସ୍ତବ୍ଧ ହୋଇଯାଇଥିଲା।

ଦକ୍ଷିଣ ନାରା ସହରରେ ଏକ ଅଭିଯାନ କାର୍ଯ୍ୟକ୍ରମରେ ଭାଷଣ ଦେଉଥିବା ସମୟରେ ତାଙ୍କୁ ହତ୍ୟା କରାଯାଇଥିଲା। ମଙ୍ଗଳବାର ଦିନ ତାଙ୍କର ଶେଷ କୃତ ସମ୍ପନ୍ନ ହୋଇଛି। ଯେଉଁଠାରେ ସାରା ଜାପାନ ତାଙ୍କୁ ଶେଷ ବିଦାୟ ଜଣାଇଥିଲା। ଏହି ଭାବ ବିହୋଳ ପରିବେଶକୁ ଲକ୍ଷ୍ୟ କରିଲେ ଜଣା ପଡୁଛି ସେ  କେତେ ପରିମାଣରେ ଲୋକ ମାନଙ୍କର ନେତା ଥିଲେ।ଏବଂ କେତେ ନିଜର ଥିଲେ।

 ଜୋଜୋଜି ମନ୍ଦିରରେ ପୂର୍ବରୁ ଏକ ବ୍ୟକ୍ତିଗତ ଅନ୍ତିମ ସଂସ୍କାର କରାଯାଇଥିଲା।ସିଞ୍ଜୋ ଆବେଙ୍କ ଅନ୍ତିମ ସଂସ୍କାର ଏକ ବ୍ୟକ୍ତିଗତ ସମ୍ପର୍କ ବୋଲି ଅନୁମାନ କରାଯାଉଥିଲା, ପରିବାର ଏବଂ ସାଙ୍ଗମାନଙ୍କ ବ୍ୟତୀତ ସମସ୍ତଙ୍କ ପାଇଁ  ଏହା ବନ୍ଦ  ଥିଲା। କିନ୍ତୁ ଜାପାନର ଜନସାଧାରଣ ଅନ୍ୟଥା ନିଷ୍ପତ୍ତି ନେଇଥିଲେ। ସେମାନେ ବାହାରେ ପ୍ରଧାନମନ୍ତ୍ରୀଙ୍କୁ ଶ୍ରଦ୍ଧାଞ୍ଜଳୀ ଦେଇଥିଲେ।”ଆବେ-ସାନ୍, ଆପଣଙ୍କୁ ବହୁତ ଧନ୍ୟବାଦ।” ଏହି ସ୍ବରରେ ସାରା ଜାପାନ ପ୍ରକମ୍ପିତ ହୋଇଥିଲା।