ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: ପୁଣି କଡ ଲେଉଟାଉଛି କରୋନା । ଦିନକରେ ପାଞ୍ଚ ଶହ ରୁ ଉଦ୍ର୍ଧ୍ର ସଂକ୍ରମଣ ର ରିପୋର୍ଟ ଦେଲା ବିଏମସି । ସଂକ୍ରମଣ ବଢୁଥିବା ରୁ କୋଭିଡ୍ କଟକଣା କଡାକଡି କଲା ଭୁବନେଶ୍ୱର ମୁନିସିପାଲ କରର୍ପୋରେସନ । ଠେଲା ଜଳଖିଆ, ଚା, ଗୁପଚୁପ, ଲସି ଦୋକାନୀ ମାନଙ୍କୁ ଭିଡ ନକରିବା ପାଇଁ ତାଗିତ କରିବା ସହ ଭିଡ ସମ୍ଭାଳି ନ ପାରିଲେ ଗ୍ରାହକ ମାନଙ୍କୁ ଖାଦ୍ୟ ପାର୍ସଲ ଦେବା କୁ ଅନୁରୋଧ କରାଯାଇଛି । ସେହିପରି ମଲ୍ ଗୁଡିକରେ ମଧ୍ୟ ମାସ୍କ ବ୍ୟବହାର ଓ ସାମାଜିକ ଦୁରତ୍ୱ କୁ ସୁନିଶ୍ଚିତ କରିବା ପାଇଁ ଜଣେ ଅଧିକାରୀଙ୍କୁ ନିୟୋଜିତ କରିବା ପାଇଁ ମଲ୍ କର୍ତ୍ତୃପକ୍ଷ ମାନଙ୍କୁ ନିର୍ଦେଶ ଦିଆଯାଇଛି । କୋଭିଡ୍ କଟକଣା ମାନିବାକୁ ସମସ୍ତ ସ୍ପା ଓ ପାର୍ଲର ମାନଙ୍କୁ ମଧ୍ୟ ନିର୍ଦେଶ ଦିଆଯାଇଛି । ନିୟମ ଉଲଘଂନ କଲେ ଆଇନ ଅନୁଯାୟୀ ସମସ୍ତ ପ୍ରକାର କାର୍ଯାନୁଷ୍ଠାନ ନିଆଯିବ ବୋଲି ଭୁବନେଶ୍ୱର ମେୟର ଶ୍ରୀମତୀ ସୁଲୋଚନା ଦାସ ଟୁଇଟ୍ କରି ସୁଚନା ଦେଇଛନ୍ତି ।
