ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ଦିଲ୍ଲୀରୁ ଦୁବାଇ ଅଭିମୁଖେ ଯାତ୍ରା କରୁଥିବା ଏକ ସ୍ପାଇସଜେଟ୍ ବିମାନକୁ ଆଜି କରାଚିରେ ଜରୁରୀକାଳୀନ ଅବତରଣ କରାଯାଇଛି। ବିମାନଟି କରାଚିରେ ଅବତରଣ କରାଯାଇଛି ଏବଂ ଯାତ୍ରୀମାନେ ନିରାପଦଅଛନ୍ତି।
ସ୍ପାଇସଜେଟ B737 ବିମାନ ଚଳାଚଳ କରୁଥିବା ବିମାନ SG-11 ରେ ହାଲୁକା ତ୍ରୁଟି ଯୋଗୁଁ କରାଚୀରେ ଅବତରଣ କରାଯାଇଛି। ବିମାନଟି କରାଚିରେ ସୁରକ୍ଷିତ ଭାବେ ଅବତରଣ କରିଥିଲା ଏବଂ ଯାତ୍ରୀମାନେ ସୁରକ୍ଷିତ ଭାବେ ଅବତରଣ କରିଥିଲେ। ବିମାନରେ କୌଣସି ତ୍ରୁଟି ସମ୍ପର୍କରେ ପୂର୍ବରୁ କୌଣସି ସୂଚନା ମିଳି ନଥିଲା। ଯାନ୍ତ୍ରୀକ ତୃଟି ଯୋଗୁ ଏହାକୁ କରାଚୀରେ ଅବତରଣ କରାଯାଇଥିଲା। ଏଥିରେ ମୋଟ ୧୫୦ ରୁ ଅଧିକ ଯାତ୍ରୀ ଥିଲେ।
ଏହାପୂର୍ବରୁ, ଜୁନ୍ ୧୯ ରେ, ୧୮୫ଜଣ ଯାତ୍ରୀଙ୍କ ସହ ଦିଲ୍ଲୀ ଯାଉଥିବା ସ୍ପାଇସଜେଟ୍ ବିମାନ ଉଡ଼ାଣ ପରେ ପାଟନାରେ ଜରୁରୀକାଳୀନ ଅବତରଣ କରିଥିଲା, କାରଣ ଏହା ପକ୍ଷୀ ସହ ଧକ୍କା ଦେବା ପରେ ଏହାର ବାମ ଇଞ୍ଜିନରେ ନିଆଁ ଲାଗିଯାଇଥିଲା।
