ବସ ଦୁର୍ଘଟଣାରେ ୧୧ମୃତ

ସନଷ୍ଟାର ଟିଭି ବ୍ୟୁରୋ

 ଶିମଲା: ଆଜି ସକାଳେ ହିମାଚଳ ପ୍ରଦେଶର କୁଲୁରେ ଏକ ବସ୍ ଘାଟରେ ଖସି ପଡ଼ିବା ପରେ ସ୍କୁଲ ପିଲାମାନଙ୍କ ସମେତ ୧୧ ଜଣ ଯାତ୍ରୀଙ୍କ ମୃତ୍ୟୁ ଘଟିଛି।

 କୁଲୁ ଡେପୁଟି କମିଶନର ଆଶୁତୋଷ ଗର୍ଗ କହିଛନ୍ତି ଯେ ସାଇନଜ୍ ଅଭିମୁଖେ ଯାଉଥିବା ବସ୍ ସକାଳ ୮.୩୦ସମୟରେ ଜଙ୍ଗଲା ଗ୍ରାମ ନିକଟ ଘାଟିରେ ଖସି ପଡିଥିଲା।  ଜିଲ୍ଲା ଅଧିକାରୀ ଏବଂ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ଆହତମାନଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଇଥିଲେ।ଦୁର୍ଘଟଣା ଘଟିଥିବା ବେଳେ ଅତି କମରେ ୪୦ ଜଣ ଛାତ୍ରଛାତ୍ରୀ ବସ୍‌ରେ ଥିଲେ ବୋଲି ଅଧିକାରୀମାନେ କହିଛନ୍ତି।

ତେବେ  ଏହି ଘଟଣାରେ ଦୁଃଖ ପ୍ରକାଶ କରିଛନ୍ତି ପ୍ରଧାନମନ୍ତ୍ରୀ। ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ଟୁଇଟ୍ କରି କହିଛି ଯେ ଏହି ଦୁର୍ଘଟଣାରେ ପ୍ରାଣ ହରାଇଥିବା ପରିବାରକୁ ପ୍ରତ୍ୟେକଙ୍କୁ ୨ଲକ୍ଷ ଟଙ୍କା କ୍ଷତିପୂରଣ ମିଳିବ ଏବଂ ଆହତମାନଙ୍କୁ ୫୦ହଜାର ଟଙ୍କା ଦିଆଯିବ ।