ସନଷ୍ଟାର ଟିଭି ବ୍ୟୁରୋ
ଭୁବନେଶ୍ଵର : ରାଜ୍ୟରେ ମୌସୁମୀ ଓ ଘୂର୍ଣ୍ଣିବଳୟ ପ୍ରଭାବରେ ସ୍ୱଳ୍ପରୁ ମଧ୍ୟମ ଧରଣର ବର୍ଷା ଲାଗି ରହିଛି ।ଆଜି ମଧ୍ୟ ଏହା ପ୍ରଭାବରେ ବର୍ଷା ହୋଇଛି। ରାଜଧାନୀ ଭୁବନେଶ୍ବରରେ ମଧ୍ୟ ବହୁତ ବର୍ଷା ହୋଇଛି। ତେବେ ଆଗାମୀ ୨୯ ତାରିଖରୁ ରାଜ୍ୟରେ ପ୍ରବଳ ବର୍ଷା ସମ୍ଭାବନା ରହିଥିବାବେଳେ ୨ ତାରିଖ ପରେ ବର୍ଷାର ମାତ୍ରା ବଢ଼ିବ ବୋଲି ପାଣିପାଗ କେନ୍ଦ୍ର ପକ୍ଷରୁ କହିଛି । ଆଜି ଓଡ଼ିଶାର ଦକ୍ଷିଣ ଆଭ୍ୟନ୍ତରୀଣ ଗଜପତି , ଗଞ୍ଜାମ , ବରଗଡ଼ , ସମ୍ବଲପୁର , ଝାରସୁଗୁଡ଼ା , ସୁନ୍ଦରଗଡ଼ ଓ କେନ୍ଦ୍ରାପଡା, କଟକ, ଭୁବନେଶ୍ବର, ଯାଜପୁର ଅନ୍ୟ ଜିଲ୍ଲାଗୁଡ଼ିକର କେତେକ ସ୍ଥାନରେ ସ୍ଵଳ୍ପରୁ ମଧ୍ୟମ ଧରଣର ବର୍ଷା ହୋଇଛି । ଆସନ୍ତା କାଲିକୁ ବର୍ଷାର ପରିମାଣ କ୍ରମଶ ବଢ଼ିବ ବୋଲି ପାଣିପାଗ କେନ୍ଦ୍ର ସୂଚନା ଦେଇଛି।
