ସନଷ୍ଟାର ଟିଭି ବ୍ୟୁରୋ
ଉତ୍ତରାଖଣ୍ଡ: ମଧ୍ୟ ରାତ୍ରିରେ ପୋଲିସ ଷ୍ଟେସନରେ ପହଞ୍ଚିଲେ ଜଣେ ମହିଳା । ରାତ୍ରି ପ୍ରାୟ ୩ ଟା ହୋଇଥିଲା । ୬ ବର୍ଷର ଝିଅ ସହ ମହିଳା ଜଣକ ତାଙ୍କ ଘରକୁ ଫେରୁଥିବା ସମୟରେ ସୋନୁ ନାମକ ଜଣେ କାର ଚାଳକ ତାଙ୍କୁ ଲିଫ୍ଟ ଦେଇଥିଲେ । ସେହି କାର୍ ଭିତରେ ସୋନୁର ଆଉ କିଛି ଜଣ ପୁରୁଷ ବନ୍ଧୁ ମଧ୍ୟ ଥିଲେ । ସୋନୁ ଏବଂ ତାର ସାଙ୍ଗମାନେ ମିଶି ମହିଳାଙ୍କୁ ବଳତ୍କାର କରିଥିବା ନେଇ ଅଭିଯୋଗ କରିଛନ୍ତି ପିଡୀତା ।
ସୂଚନାମୁତାବକ ଏହି ଘଟଣା ହରିଦ୍ୱାରର ଋୁରକିଠାରେ ଘଟିଥିବା ନେଇ ସେଠାକାର ପୋଲିସ ରବିବାର ଦିନ ସୂଚନା ଦେଇଛନ୍ତି । ଅଭିଯୋଗ ଅନୁଯାୟୀ, ସୋନୁ ଏବଂ ତାଙ୍କର ସହଯୋଗୀମାନେ ମହିଳାଙ୍କୁ ବଳତ୍କାର କରିବା ପରେ ଏକ କେନାଲ ନିକଟରେ ଫୋପାଟି ଦେଇଥିଲେ । ମହିଳା ଜଣକ ବହୁ କଷ୍ଟକରି ପୋଲିସ ପାଖରେ ପହଞ୍ଚିଥିଲେ । ଏହା ସହ ସୋନୁ ଏବଂ ତା’ର ସହଯୋଗୀମାନଙ୍କ ବିରୋଧରେ ଜଣାଇବା ସହ ଏକ ମମଲା ରୁଜୁ କରିଥିଲେ । ତେବେ ପୋଲିସ କହିବା ଅନୁଯାୟୀ, ମହିଳା କେବଳ ଗାଳି ଚଳାଉଥିବା ବ୍ୟକ୍ତିଙ୍କ ନାମ ସୋନୁ କହିଥିବା ବେଳେ ପ୍ରକୃତରେ ଗାଡି ଭିତରେ କେତେ ଜଣ ସୋନୁର ସହଯୋଗୀ ଥିଲେ ସଠିକ୍ ଭାବେ କହିପାରୁନାହାଁନ୍ତି । ତେବେ ପୋଲିସ ଏ ନେଇ ଘଟଣାର ଅଧିକ ତଦନ୍ତ ଚଳାଉଥିବା ସୂଚନା ମିଳିଛି । (ରିପୋର୍ଟ: ସୋନାଲି)
