ସନଷ୍ଟାର ଟିଭି ବ୍ୟୁରୋ
ରିପୋର୍ଟ: ଆପଣ ଅନେକ ଅଭିନେତାଙ୍କୁ ଦେଖିଥିବେ ଏହାସହିତ ଜଡିତ ବିଭିନ୍ନ କାହାଣୀ ମଧ୍ୟ ଶୁଣିଥିବେ। ଏଭଳି ଅନେକ ଅଭିନେତା ମାନଙ୍କ ମଧ୍ୟରେ ଜଣେ ଏଭଳି ଅଭିନେତା ଅଛନ୍ତି ଯିଏ ବର୍ତ୍ତମାନ ଚର୍ଚ୍ଚାରେ ଅଛନ୍ତି। ସେ ହେଉଛନ୍ତି କାର୍ତ୍ତିକ ଆର୍ଯ୍ୟନ୍। ପ୍ରଥମେ ତାଙ୍କର ଚଳଚିତ୍ର ଭୁଲ ଭୁଲେୟା ୨ ବକ୍ସ ଅଫିସରେ ଦମଦାର ପ୍ରଦର୍ଶନ କରିଲା। ଏହାପରେ ଏବେ କାର୍ତ୍ତିକଙ୍କ କାର୍ଯ୍ୟ ତାଙ୍କୁ ପ୍ରଶଂସାରେ ପୋତି ଦେଉଛନ୍ତି। କାର୍ତ୍ତିକ ନିକଟରେ ଗୋଟିଏ ଏନଜିଓ ର ପିଲା ମାନଙ୍କୁ ତାଙ୍କର ଚଳଚିତ୍ର ଦେଖାଇଥିଲେ। କାର୍ତ୍ତିକଙ୍କ ଏହି କାର୍ଯ୍ୟ ପାଇଁ ତାଙ୍କୁ ତାଙ୍କର ପ୍ରଶଂସକ ମାନେ ଖୁବ ପ୍ରଶଂସା କରିଛନ୍ତି। ବର୍ତ୍ତମାନ କାର୍ତ୍ତିକଙ୍କ ପ୍ରଶଂସକଙ୍କ ତାଲିକା ମଧ୍ୟ ବୃଦ୍ଧି ପାଉଛି। ଏବଂ ଏଥିରେ ଛୋଟ ପିଲାମାନେ ମଧ୍ୟ ସାମିଲ ହୋଇଛନ୍ତି। କାର୍ତ୍ତିକ ବର୍ତ୍ତମାନ ମଧ୍ୟ ତାଙ୍କର ପ୍ରିୟ ହୋଇପାରିଛନ୍ତି।
ସୂଚନାମୁତାବକ କାର୍ତ୍ତିକ ତାଙ୍କ ଚଳଚ୍ଚିତ୍ର ଭୁଲଭୁଲାୟା ୨ ର ସ୍ୱତନ୍ତ୍ର ସ୍କ୍ରିନିଂ ସମୟରେ କ୍ରାଇ ଫାଉଣ୍ଡେସନ୍ ଏନଜିଓର ଯୁବ ପ୍ରଶଂସକଙ୍କୁ ଭେଟିଥିଲେ । ଚଳଚ୍ଚିତ୍ର ସମାପ୍ତ ହେବା ପରେ ସେ ପିଲାମାନଙ୍କ ସହ କଥାବାର୍ତ୍ତା କରିଥିଲେ, ଗୀତ ଗାଇଥିଲେ, ନାଚୁଥିଲେ ଏବଂ ଦିନସାରା ସେମାନଙ୍କ ସହ ପୋଜ୍ ମଧ୍ୟ କରିଥିଲେ । ମହାମାରୀ ପରେ ଭୁଲଭୁଲେୟା ହେଉଛି ପ୍ରଥମ ହିନ୍ଦୀ ଚଳଚିତ୍ର ଯାହା ବ୍ଲକବଷ୍ଟର ହୋଇଛି।
