ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: ତରଙ୍ଗ ଚ୍ୟାନେଲ ଘରେ ଘରେ ପରିଚିତ। ତେବେ ଏହି ଲୋକପ୍ରିୟ ଚ୍ୟାନେଲ ତରଙ୍ଗ ର ନୂଆ ବ୍ରାଣ୍ଡ ଆମ୍ବସେଡର୍ ହୋଇଛନ୍ତି ଅର୍ଚ୍ଚିତା ସାହୁ । ବିଧିବଦ୍ଧ ଭାବେ ଓଡ଼ିଶା ଟେଲଭିଜନ ଲିମିଟେଡ ର ଏମଡି ଶ୍ରୀମତୀ ଜାଗି ମଙ୍ଗତ ପଣ୍ଡା ଏହା ଘୋଷଣା କରିଛନ୍ତି। ରଜପର୍ବ ଅବସର ରେ ଗତକାଲି ତରଙ୍ଗ ଟିଭି ତରଫରୁ ରଜ ଉତ୍ସବ ପାଳନ ହେଉ ଥିବା ସମୟରେ ଶ୍ରୀମତୀ ପଣ୍ଡା ଏହା ଘୋଷଣା କରିଛନ୍ତି। ସେ ଆହୁରି ମଧ୍ୟ କହିଛନ୍ତି ଅର୍ଚ୍ଚିତା ଙ୍କ ପାଇଁ ଏହା ଏକ ଗୁରୁ ଦାୟିତ୍ଵ। ଏହାସହ ସେ ଆଶା କରନ୍ତି କି ଅର୍ଚ୍ଚିତା ଏହା କୁ ସୂଚାରୁ ରୂପେ ନିର୍ବାହ କରିବେ । ଏହାସହିତ ସେ ଏକ ରୋଚକ ତଥ୍ୟ ମଧ୍ୟ ଦେଇଛନ୍ତି କି ୨୦୦୮ ଯେବେ ତରଙ୍ଗ ଟିଭି ଆରମ୍ଭ ହୋଇଥିଲା ଅର୍ଚ୍ଚିତା ମଧ୍ୟ ସେ ସମୟରେ ଟେଲି ଜଗତ ରେ ନିଜ କ୍ୟାରିୟର ଆରମ୍ଭ କରିଥିଲେ। ଆଉ ବର୍ତ୍ତମାନ ତରଙ୍ଗ ର ବ୍ରାଣ୍ଡ ଆମ୍ବସେଡର ହେବା ତାଙ୍କ ପାଇଁ ଏକ ଅନନ୍ୟ ପରିଚୟ।(ରିପୋର୍ଟ:ବିଶ୍ବଜିତ)
