ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ:ବର୍ତ୍ତମାନ ସୁଦ୍ଧା ସାରା ଦେଶରେ କରୋନାର ପ୍ରକୋପ ଥମି ନାହିଁ। ସବୁ ଆଡେ ଏହାର ପ୍ରକୋପ ଦେଖିବାକୁ ମିଳିଛି। ଦିଲ୍ଲୀ ଆଜି ୧,୧୧୮କୋଭିଡ ମାମଲା ରିପୋର୍ଟ କରିଛି। ଯାହା ଗତକାଲିର ୬୧୪ ମାମଲା ତୁଳନାରେ ୮୨ପ୍ରତିଶତ ଅଧିକ ରହିଛି। ଏହାସହ ମୃତ୍ୟୁ ସଂଖ୍ୟାମଧ୍ୟ କମିନାହିଁ। ଜାତୀୟ ରାଜଧାନୀରେ ମଧ୍ୟ ଦୁଇଟି କୋଭିଡ ମୃତ୍ୟୁ ହୋଇଥିବାବେଳେ ସକାରାତ୍ମକତା ହାର ୬.୫୦ ପ୍ରତିଶତରେ ରହିଛି। ଦିଲ୍ଲୀରେ ରିପୋର୍ଟ ହୋଇଥିବା ମୋଟ ମୃତ୍ୟୁ ସଂଖ୍ୟା ବର୍ତ୍ତମାନ୨୬,୨୨୩ ରେ ପହଞ୍ଚିଛି।
ଏକ ସ୍ୱାସ୍ଥ୍ୟ ବୁଲେଟିନ୍ ଅନୁଯାୟୀ, ଗତ ୨୪ ଘଣ୍ଟା ମଧ୍ୟରେ ୫୦୦ଲୋକ ଏହି ରୋଗରୁ ମୁକ୍ତିପାଇଛନ୍ତି, ସମୁଦାୟ ସକ୍ରିୟ ମାମଲା ୩,୧୭୭ ରହିଛି। ଏପର୍ଯ୍ୟନ୍ତ ୧୮,୮୫,୧୩୦ ଲୋକ ଏହି ରୋଗରୁ ମୁକ୍ତି ପାଇଛନ୍ତି। ଆଜି ୧,୧୧୮ ମାମଲା ରିପୋର୍ଟ ହେବା ପରେ ବର୍ତ୍ତମାନ କେସ୍ ଗଣନା ୧୯,୧୪,୫୩୦ ରେ ପହଞ୍ଚିଛି ।
