ସନଷ୍ଟାର ଟିଭି ବ୍ୟୁରୋ
କଟକ:ପୁଣି ଥରେ ପ୍ରଶଂସକ ମାନଙ୍କୁ ନିରାଶ କରିଲା ଟିମ ଇଣ୍ଡିଆ। ନାହିଁ ନଥିବା ଉତ୍ସାହ ସହିତ ଆରମ୍ଭ ହୋଇଥିବା ମ୍ୟାଚ ଶେଷରେ ସମସ୍ତଙ୍କ ମୁହଁରେ ଦୁଃଖ ଦେଲା। ଝାଉଁଳା ମୁହଁରେ ଫେରିଲେ କ୍ରିକେଟ ପ୍ରେମୀ। କାଲି ବାରବାଟୀରେ ଟିମ ଇଣ୍ଡଆ ଆଉ ସାଉଥ ଆଫ୍ରିକା ମଧ୍ୟରେ ହୋଇଥିବା ମ୍ୟାଚ ରେ ପ୍ରଥମ ଟସ ହାରି ଟିମ ଇଣ୍ଡିଆ ୬ ଓ୍ବିକେଟ ହରାଇ ୧୪୮ ରନ କରିଥିଲା। ଯାହାକୁ ଦକ୍ଷିଣ ଆଫ୍ରିକା ୧୮.୨ ଓଭରରେ ହାସଲ କରିଥିଲା। କାଲି ଯେତେ ଉତ୍ସାହ ଉତ୍କଷ୍ଠା ସହ ଖେଳାଳୀ ମାନେ ବାରବାଟୀ ଭିତରକୁ ପ୍ରବେଶ କରିଥିଲେ ତାହା ଠାରୁ ଅଧିକ ନିରାଶ ହୋଇ ଫେରିଲେ। ପ୍ରଥମ ଥର ଖେଳ ଦେଖିବା ପାଇଁ କ୍ଷମତାରୁ ଅଧିକ ସଂଖ୍ୟକ କ୍ରିକେଟ ପ୍ରେମୀ ମାନେ ଷ୍ଟାଡିୟମରେ ଉପସ୍ଥିତ ଥିବା ବେଳେ ଦଳର ଖେଳ ସମସ୍ତଙ୍କୁ ନିରାଶ କରିଛି। ତେବେ ଏହା ହେଉଛି ଟମ ଇଣ୍ଡିଆର ଦ୍ବିତୀୟ ପରାଜୟ। ଲଗାତାର ଦୁଇ ଦୁଇଟି ମ୍ୟାଚ ହାରିଲାଣି। ତେବେ ଦଳର ବ୍ୟାଟଙ୍ଗ ଏବଂ ବୋଲିଙ୍ଗ ଉଭୟ ଖରାପ ଥିବା ସହ ବୋଲିଙ୍ଗ ଅର୍ଡର ଠିକ ରହୁନି ବୋଲି ପ୍ରକାଶ କରିଛନ୍ତି କିକ୍ରେଟ ପ୍ରେମୀ। ତେଣୁ ଅଧିନାୟକ କିପରି ଦଳକୁ ଠିକ ଫର୍ମକୁ ଆଣିବେ ଏବଂ କିପରି ସିରଜରେ ଖାତା ଖୋଲିବାକୁ ପ୍ରୟାସ କରିବେ ତାହା ଦେଖିବା ବାକି ରହିଲା।
