ସନଷ୍ଟାର ଟିଭି ବ୍ୟୁରୋ
ବାରିପଦା: ପର୍ଯ୍ୟଟକଙ୍କ ମାନଙ୍କ ପାଇଁ ଦୁଃଖ ଖବର। ବନ୍ଦ ହେବ ଶିମିଳିପାଳ। ଶିମିଳିପାଳ ଅଭୟାରଣ୍ୟ ପରିଦର୍ଶକ ତଥା ପର୍ଯ୍ୟଟକଙ୍କ ପାଇଁ ଆଗାମୀ ୧୬ରୁ ବନ୍ଦ ରହିବ । ପ୍ରତିବର୍ଷ ଜୁନ ୧୬ରୁ ଅକ୍ଟୋବର ୩୧ ପର୍ଯ୍ୟନ୍ତ ବର୍ଷା ଋତୁ ପାଇଁ ପର୍ଯ୍ୟଟକଙ୍କ ଲାଗି ଶିମିଳିପାଳ ବନ୍ଦ କରାଯାଇଥାଏ । ଉଲ୍ଲେଖଯୋଗ୍ୟ ଯେ ଯଶିପୁର କାଳିଆଣି ତନଖି ଫାଟକ ଏବଂ ବାରିପଦାରୁ ଲୁଲୁଂ ପଟେ ପିଠାବଟା ଫାଟକ ଦେଇ ପର୍ଯ୍ୟଟକଙ୍କୁ ନଭେମ୍ବର ପହିଲାରୁ ଶିମିଳିପାଳ ପରିଦର୍ଶନ ସକାଶେ ଅନୁମତି ଦିଆଯାଇଥାଏ । ପ୍ରକୃତିର ସବୁଜିମାରେ ପରିପୂର୍ଣ୍ଣ ଶିମିଳିପାଳକୁ ଦେଖବା ପାଇଁ ପର୍ଯ୍ୟଟକଙ୍କ ମାନଙ୍କର ସୁଅ ଛୁଟିଥାଏ । ତେବେ ଆସନ୍ତା ୧୬ ରୁ ବର୍ଷା ୠତୁ ପାଇଁ ଏହି ପ୍ରବେଶକୁ ମନା କରାଯାଇଛି।
