ସନଷ୍ଟାର ଟିଭି ବ୍ୟୁରୋ
ଋିପୋର୍ଟ: ଆଜିକୁ ପ୍ରାୟ ୧୦୭ ଦିନ ହେଲାଣି ଋଷ-ୟୁକ୍ରେନ ମଧ୍ୟରେ ଯୁଦ୍ଧ ଲାଗି ରହିଛି । ବାରମ୍ବାର ଚେଷ୍ଟା ପରେ ବି କୌଣସି ଶାନ୍ତିପୁର୍ଣ୍ଣ ସମାଧାନ ହୋଇପାରିନି । ଆଜି ପୁଣିଥରେ ୟୁକ୍ରେନର ରାଜଧାନୀ କିଭିର ଏକ ସୁପର ମାର୍କେଟ ଉପରେ ଅକ୍ରମଣ କରିଛି ଋଷ । ଏହି ଆକ୍ରମଣରେ ୩ ଜଣଙ୍କ ମୃତ୍ୟ ହୋଇଥିବା ବେଳେ ୫ ଗୁରୁତର ଭାବେ ଆହାତ ହୋଇଛନ୍ତି । ଏହା ସହ ୟୁକ୍ରେନର ଲୁହାନ ସହରରେ ମଧ୍ୟ ଋଷ ଆକ୍ରମଣ ଜାରି ରଖିଛି ।ତେବେ ଋଷ-ୟୁକ୍ରେନ ଭିତରେ ଲାଗିଥିବା ଯୁଦ୍ଧରେ ୟୁକ୍ରେନ ଅଧିକାଂଶ କ୍ଷତି ହୋଇଥିଲେ ମଧ୍ୟ ୟୁକ୍ରେନ ସେନା ଏପର୍ଯ୍ୟନ୍ତ ପଛଘୁଞ୍ଚା ଦେଇନାହିଁ । ତେବେ ଏହାରି ଭିତରେ ୟୁକ୍ରେନ ରାଷ୍ଟ୍ରପତି ଆଉ ଏକ ଭିଡିଓ ଜାରି କରିଛନ୍ତି । ସେ ଏହି ଭିଡିଓରେ ୟୁକ୍ରେନି ସେନାଙ୍କୁ ପ୍ରଶଂସା କରିଛନ୍ତି । ତେବେ ବହୁ ସମୟ ଧରି ଯୁଦ୍ଧ ଲାଗି ରହିଥିବାରୁ ସାରାବିଶ୍ୱ ଉପରେ ଏହାର ପ୍ରଭାବ ପଡୁଛି ।(ରିପୋର୍ଟ:ସୋନାଲି)
