ସନଷ୍ଟାର ଟିଭି ବ୍ୟୁରୋ
ରିପୋର୍ଟ: ଆଜି ବିବାହ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି ତାମିଲ ଚଳଚିତ୍ରର ସୁନ୍ଦରୀ ଅଭିନେତ୍ରୀ ନୟନତାରା। ଚେନ୍ନାଇର ମହାବଲିପୁରମର ଏକ ରିସୋର୍ଟରେ ତାଙ୍କର ବିବାହ ଉତ୍ସବ ଅନୁଷ୍ଠିତ ହେବାକୁ ଯାଉଅଛି। ସେ ଚଳଚିତ୍ର ନିର୍ମାତା ଭିଗନେଶ ସିଭାନ ଙ୍କୁ ବିବାହ କରିବାକୁ ଯାଉଛନ୍ତି। ପରିବାର ବର୍ଗ ଏବଂ କିଛି ଅନ୍ତରଙ୍ଗ ବନ୍ଧୁଙ୍କ ଉପସ୍ଥିତରେ ଏହି ବିବାହ ହେବାକୁ ଯାଉଛି। ତେବେ ଏହି ଅଭିନେତ୍ରୀ ତାଙ୍କ ସୋସିଆଲ ମିଡିଆରେ ତାଙ୍କର ବିବାହକଥା ପ୍ରକାଶ କରିଥିଲେ। ଏହା ସହିତ ସେ କିଛି ଫଟୋ ଏବଂ ବାହାଘର ନିମନ୍ତ୍ରଣ ର ଏକ ଭିଡିଓ ମଧ୍ୟ ସେୟାର କରିଥିଲେ। ତେବେ ଏହି ବିବାହରେ ତେଲୁଗୁ ସୁପରଷ୍ଟାର ରଜନୀକାନ୍ତ, କିଙ୍ଗ ଖାନ ଶାହରୁଖ ଖାନ ଯୋଗ ଦେବେ ବୋଲି ଆଶା କରାଯାଉଛି। କେବଳ ଏତିକି ନୁହେଁ କଲିଉଡର ବହୁ ପ୍ରସିଦ୍ଧ ଯୋଡି ମାନଙ୍କୁ ମଧ୍ୟ ଦେଖିବାକୁ ମିଳିବ। ତେଲୁଗୁ ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନ ମଧ୍ୟ ଯୋଗ ଦେବେ ବୋଲି ଆଶା କରାଯାଉଛି।
ଦୀର୍ଘ ୬ବର୍ଷଧରି ପରସ୍ପରକୁ ଡେଟ କରିବା ପରେ ସେମାନେ ବିବାହ କରିବାକୁ ମନସ୍ଥ କରିଥିଲେ। ତେବେ ଏହି ଅଭିନେତ୍ରୀଙ୍କ ବହୁ ପ୍ରଶଂସକ ରହିଥିବା ବେଳେ ନୟନତାରା ତାଙ୍କ ବିବାହରେ କିଛି ଅଲଗା ଏବଂ ଭିନ୍ନ କରିବାକୁ ଯାଉଛନ୍ତି। ଏହି ଅଭିନେତ୍ରୀ ଜଣକ କଥା ଦେଇଥିଲେ ଯେ ସେ ଯେବେ ବିବାହ କରିବେ ତାଙ୍କ ବିବାହ କଥା ତାଙ୍କ ପ୍ରଶଂସକ ମାନଙ୍କୁ ନିଶ୍ଚୟ ଜଣାଇବେ । ତେବେ ସେ ତାଙ୍କର କଥା ରଖିଛନ୍ତି। ତାମିଲନାଡୁର ପ୍ରାୟ ୧ଲକ୍ଷରୁ ଅଧିକ ଲୋକମାନଙ୍କୁ ସେ ଭୋଜନ ଦେବେ ବୋଲି ସୂଚନା ମିଳିଛି।
