ସନଷ୍ଟାର ଟିଭି ବ୍ୟୁରୋ
କଲିକତା : ନିଜ ଗୀତ ମାଧ୍ୟମରେ ଭଲ ପାଇବା ଶିଖାଇଥିବା କେକେ ସବୁ ଦିନ ପାଇଁ ଆମ୍ଭ ମାନଙ୍କୁ ଛାଡି ଚାଲିଯାଇଛନ୍ତି। ଗତକାଲି ରାତିରେ ତାଙ୍କର ପର ଲୋକ ଘଟଛି। କେକେ ନାମରେ ପରିଚିତ ବଳିଉଡ୍ର ପ୍ରସିଦ୍ଧ ପ୍ରଚ୍ଛଦପଟ ଗାୟକ କୃଷ୍ଣକୁମାର କୁନ୍ନତଙ୍କର ଆକସ୍ମିକ ଭାବେ ମୃତ୍ୟୁ ହୋଇଛି । ମୃତ୍ୟୁବେଳକୁ ତାଙ୍କୁ ମାତ୍ର ୫୩ବର୍ଷ ହୋଇଥିଲା । ସୂଚନାମୁତାବକ ମଙ୍ଗଳବାର ସନ୍ଧ୍ୟାରେ କଲକାତାର ନଜରୁଲ ମଞ୍ଚରେ ଆୟୋଜିତ କାର୍ଯ୍ୟକ୍ରମରେ ସଙ୍ଗୀତ ପରିବେଷଣ ପାଇଁ ସେ ମୁମ୍ବାଇରୁ ନିଜ ଦଳ ସହିତ ଆସିଥିଲେ । କାର୍ଯ୍ୟକ୍ରମବେଳେ ଅସୁସ୍ଥ ଅନୁଭବ କରିବାରୁ ସେ ନିଜ ହୋଟେଲକୁ ଚାଲି ଯାଇଥିଲେ । ସେଠାରେ ସେ ଅଧିକ ଅସୁସ୍ଥ ହେବାରୁ ତାଙ୍କୁ ତୁରନ୍ତ ଡାକ୍ତରଖାନାନିଆଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ହୃଦ୍ଘାତରେ ତାଙ୍କର ମୃତ୍ୟୁ ଘଟିଥିବା ଡାକ୍ତର କହିଛନ୍ତି । ବିଭିନ୍ନ ଲୋକପ୍ରିୟ ଚଳଚ୍ଚିତ୍ରରେ କଣ୍ଠଦାନ କରିଛନ୍ତି , ଏମିତି ବି କହିପାରିବା ତାଙ୍କ କଣ୍ଠଦାନ ପାଇଁ ବହୁ ଚଳଚିତ୍ର ମଧ୍ୟ ସୁପର ହିଟ ହୋଇଛି। ତେବେ କେକେଙ୍କ ଏମିତି ଅକାଳ ବିୟୋଗରେ ସାରା ଦେଶରେ ଶୋକର ଛାୟା ଖେଳିଯାଇଛି। ପ୍ରଂଶସକ ମାନେ ଏବେ ସୁଦ୍ଧା ବିଶ୍ବାସ କରି ପାରୁ ନାହାନ୍ତି ଏପରି ହୋଇଛି।
