ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: କଂଗ୍ରେସ ଛାଡିଥିବା ହାର୍ଦ୍ଦିକ ପଟେଲ ଗୁରୁବାର ଦିନ ବିଜେପିରେ ଯୋଗଦେବେ ବୋଲି ସୂତ୍ରରୁ ପ୍ରକାଶ। କଂଗ୍ରେସ ସହିତ ୨୦୧୯ ରେ ନିଜର ରାଜନୈତିକ କ୍ୟାରିଅର୍ ଆରମ୍ଭ କରିଥିବା ୨୮ ବର୍ଷୀୟ ଗୁଜୁରାଟ ନେତା ସୋନିଆ ଗାନ୍ଧୀଙ୍କ ନିକଟରେ ଇସ୍ତଫା ପତ୍ର ଲେଖିବା ପରେ ମେ ୧୮ ରେ ଦଳ ଛାଡିଛନ୍ତି। ଏହି ଚିଠିରେ ସେ ରାହୁଲ ଗାନ୍ଧୀଙ୍କୁ ଟାର୍ଗେଟ କରିଛନ୍ତି । ସେ ବିଜେପିରେ ଯୋଗଦେବା କଥାକୁ ହାର୍ଦ୍ଦିକ ପଟେଲ ଆନୁଷ୍ଠାନିକ ଭାବେ ଅସ୍ୱୀକାର କରୁଛନ୍ତି। କଂଗ୍ରେସ ଛାଡିବାର କିଛି ସମୟ ପରେ ସେ କଳ୍ପନା ଜଳ୍ପନାର ଅନ୍ତ ଘଟାଇ କହିଛନ୍ତି ଯେ ସେ ଏପର୍ଯ୍ୟନ୍ତ ବିଜେପିରେ ନାହାଁନ୍ତି ଏବଂ ବିଜେପି କିମ୍ବା ଆମ୍ ଆଦମୀ ପାର୍ଟିରେ ଯୋଗଦେବା ନେଇ କୌଣସି ନିଷ୍ପତ୍ତି ନେଇ ନାହାଁନ୍ତି।
ସେ ଆହୁରି ମଧ୍ୟ କହିଛନ୍ତି ଯେ ସେ କଂଗ୍ରେସରେ ତିନି ବର୍ଷ ନଷ୍ଟ କରିଛନ୍ତି।ମୁଁ ଏପର୍ଯ୍ୟନ୍ତ ବିଜେପିରେ ନାହିଁ ଏବଂ ଯିବାକୁ କୌଣସି ନିଷ୍ପତ୍ତି ନେଇ ନାହିଁ ବୋଲି ହାର୍ଦ୍ଦିକ ପଟେଲ ଗଣମାଧ୍ୟମକୁ କହିଛନ୍ତି। ମୁଁ ଯାହା ନିଷ୍ପତ୍ତି ନେବି, ତାହା ଲୋକଙ୍କ ହିତରେ ହେବ।
