ସନଷ୍ଟାର ଟିଭି ବ୍ୟୁରୋ
ରିପୋର୍ଟ: ସୋସିଆଲ ମିଡିଆରେ ଆପଣ ଅନେକ ଭିଡିଓ ଭାଇରାଲ ହେଉଥିବାର ଦେଖିଥିବେ। ତେବେ ଗୁରୁବାର ଦିନ ଆମେରିକାର ଟେମ୍ପେରେ ଏକ କାର ହଠାତ୍ ଏକ ଦୋକାନ ଭିତରକୁ ପ୍ରବେଶ କରିଗଲା। ଯାହା ଫଳରେ ଗାଡି ଧକ୍କାରେ ଦୁଇଜଣ ଲୋକ ସାମାନ୍ୟ ଆହତ ହୋଇଥିବାର ସୂଚନା ମିଳିଛି।
ଟେମ୍ପେ ପୋଲିସ୍ ଦ୍ବାରା ଅପଲୋଡ୍ ହୋଇଥିବା ଘଟଣାର ଫୁଟେଜରେ ଦର୍ଶାଯାଇଛି ଯେ ଦୁଇଜଣ ବ୍ୟକ୍ତି ସପିଂ ମାର୍ଟ ଭିତରେ ଚାଟିଂ କରୁଥିବାବେଳେ ହଠାତ୍ ଏକ ଧଳା ଗାଡି ଶପିଂ ମଲ ଭିତରକୁ ପଶି ଧକ୍କା ଦେଇଥିଲା। ସୂଚନାମୁତାବକ ଦୁଇଜଣ ବ୍ୟକ୍ତି କାର୍ ରେ ଧକ୍କା ହେବାପରେ ପ୍ରାୟ ୨୫ ଫୁଟ ଦୋକାନ ଭିତରକୁ ଠେଲି ହୋଇଥିଲେ। ତେବେ ଏହି ଘଟଣାରେ ସେମାନେ ସାମାନ୍ୟ ଆହତ ହେବା ସହ ଉଭୟଙ୍କୁ ଡାକ୍ତରଖାନା ମଧ୍ୟ ନିଆଯାଇଥିଲା। ଡ୍ରାଇଭର ଅଜାଣତରେ ବ୍ରେକ ପେଡାଲ ବଦଳରେ ଗ୍ୟାସ ପେଡାଲ ଉପରେ ପାଦ ଦେବା ପରେ ଏହି ଦୁର୍ଘଟଣା ଘଟିଛି ବୋଲି ଟେମ୍ପ ପୋଲିସ ସୂଚନା ଦେଇଛି।
