ସନଷ୍ଟାର ଟିଭି ବ୍ୟୁରୋ
ରିପୋର୍ଟ: କଥାରେ ଅଛି ସମୟ ବହୁତ ମୁଲ୍ୟବାନ । ଆଜିକାଲି ସମସ୍ତେ ନିଜ ନିଜ କାମରେ ବହୁତ ବ୍ୟସ୍ତ । କାହରି ପାଖରେ ଟିକେ ସମୟ ନାହିଁ ଅନ୍ୟ କାହା କଥା ବୁଝିବା ପାଇଁ । ଅନେକ ସ୍ଥଳରେ ଏହି ଟିକେ ସମୟ ପାଇଁ ବହୁ ବିବାଦ ଦେଖା ଦେଉଥିବା ବେଳେ ଆଉ କେଉଁଠାରେ ଏହି ଟିକିଏ ସମୟ ବହୁତ ଖୁସିର ମୁହୂର୍ତ୍ତ ଆଣିଦିଏ । ତେବେ ଏଭଳି କିଛି ଘଟଣା ଘଟିଛି ଏକ ରେଲେଓ୍ବ ଷ୍ଟେସନରେ। ଆଉ ଷ୍ଟେସନର ନାମ ରତ୍ଲାମା । ବାନ୍ଦ୍ରା ରୁ ହରିଦ୍ୱାର ଯାଉଥିବା ଏହି ଷ୍ଟେସନରେ ଟ୍ରେନଟି ନିର୍ଦ୍ଧାରିତ ସମୟର ୨୦ ମିନିଟ ପୂର୍ବରୁ ଷ୍ଟେସନରେ ପହଞ୍ଚିଯାଇଥିଲା । ତେବେ ଯାତ୍ରୀମାନେ ତାଙ୍କ ହାତରେ ୨୦ ମିନିଟର ସମୟ ପାଇ ଅତ୍ୟନ୍ତ ଖୁସି ହୋଇଯାଇଥିଲେ । ଏହା ସହ ଯାତ୍ରୀମାନେ ଗୁଜୁରାଟୀ ଗୀତରେ ଗରବା ନୃତ୍ୟ କରିଥିଲେ । ତେବେ ଏହି ଭିଡିଓଟି ଏବେ ସୋସିଆଲ ମିଡିଆରେ ଭାଇରାଲ ହେବାର ଲାଗିଛି । ଆଜିକାର ଏହି ବ୍ୟସ୍ତ ବହୁଳ ଜୀବନ ଭିତରେ ସେହି ଅଳ୍ପ କିଛି ସମୟ ଲୋକଙ୍କ ପାଇଁ କେତେ ଖୁସି ଆଣି ଦେଇଛି ତାହା ଆପଣ ଏହି ଭିଡିଓ ଟି ଦେଖି ଜାଣି ପାରୁଥିବେ । ଯାହାକି ସେମାନଙ୍କ ନୃତ୍ୟରୁ ହିଁ ଜଣା ପଡୁଛି । ତେବେ ଏହି ଭିଡିଓଟି କୁ ଭାରତର କେନ୍ଦ୍ର ରେଳ ମନ୍ତ୍ରୀ ଅଶ୍ୱିନୀ ବେଷ୍ଣବ ନିଜ ଟ୍ୱିଟର ଆକାଉଣ୍ଟରେ ପୋଷ୍ଟ କରିଥିଲେ । ଯାହା ଏବେ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ ହେବାର ଲାଗିଛି। (ରିପୋର୍ଟ:ସୋନାଲି)
