ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ : ଶେଷରେ ଏଇଟା ଦେଖିବା ବାକି ଥିଲା। ରାସ୍ତା ଘାଟ ଠାରୁ ଆରମ୍ଭ କରି ବିଭିନ୍ନ ଧର୍ମାନୁଷ୍ଠାନରେ ଲୋକ ମାନଙ୍କୁ ଗୁଟୁଖା ଛେପ ପକାଉଥିବାର ଦେଖିବାକୁ ମିଳିଥିଲା। କିନ୍ତୁ ବର୍ତ୍ତମାନ ସୋସିଆଲ ମିଡିଆରେ ଯେଉଁ ଫଟୋ ଭାଇରାଲ ହେଉଛି ତାହା ହେଉଛି ବିମାନ ଭିତରର। ବିମାନର ଯାତ୍ରୀ ବସିବା ସ୍ଥାନ ନିକଟରେ ଗୁଟ୍ ଛେପ ପଡିଥିବାର ଫଟୋ ସାମାଜିକ ଗଣମାଧ୍ୟମରେ ପ୍ରସାରିତ ହୋଇଛି । ଏହାକୁ ଆଇଏଏସ୍ ଅଫିସର ଆୱାନିସ୍ ସରନ ପୋଷ୍ଟ କରିଥିଲେ। ଆଉ ଲେଖିଛନ୍ତି କେହି ଜଣେ ନିଜର ଚିହ୍ନ ଛାଡି ଦେଇଛନ୍ତି। ଏହି ଫଟୋକୁ ଟ୍ବିଟରରେ ବହୁତ ଲାଇକ୍ ମିଳିଛି । ଫଟୋରେ ଦେଖାଯାଇଛି ଯେ ବିମାନର ଝରକା ପାଖ ସିଟ୍ ନିକଟରେ ଗୁଟ୍ଖାର ଛେପର ଚିହ୍ନ ରହିଛି । ତେବେ ବିମାନ ଭିତରେ ଏହି କାର୍ଯ୍ୟ ବିମାନରେ ଯାଅ ଆସ କରୁଥିବା ଯାତ୍ରୀଙ୍କ ସ୍ୱାସ୍ଥ୍ୟରକ୍ଷା ଦିଗରେ କର୍ତ୍ତୃପକ୍ଷଙ୍କ ଦାୟିତ୍ବବୋଧତା ଉପରେ ଏହା ପ୍ରଶ୍ନବାଚୀ ସୃଷ୍ଟି କରିଛି ।
