ସନଷ୍ଟାର ଟିଭି ବ୍ୟୁରୋ
ବେଙ୍ଗାଲୁରୁ : ଭାରତର ଦ୍ୱିତୀୟ ବୃହତ୍ତମ ଆଇଟି ସେବା କମ୍ପାନୀ ଇନଫୋସିସ୍ ଲିମିଟେଡ୍ ସାଲିଲ ପାରେଖଙ୍କୁ ଏହାର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ସିଇଓ) ଏବଂ ପରିଚାଳନା ନିର୍ଦ୍ଦେଶକ (MD) ଭାବରେ ପୁଣି ଦାଇତ୍ବ ଦେଇଛି। ତାଙ୍କର କାର୍ଯ୍ୟକାଳ ସମାପ୍ତି ହେବାକୁ ଥିବା ବେଳେ ଏହାକୁ ବୃଦ୍ଧି କରାଯାଇ ମାର୍ଚ୍ଚ ୨୦୨୭ ପର୍ଯ୍ୟନ୍ତ କରାଯାଇଛି।
ଇନଫୋସିସ୍ ଲିମିଟେଡ୍ ଏକ ନିୟାମକପତ୍ରରେ କହିଛନ୍ତି ଯେ କମ୍ପାନୀର ନାମାଙ୍କନ ଏବଂ ଦରମା କମିଟି (NRC) ର ସୁପାରିଶକୁ ଆଧାର କରି ବୋର୍ଡ ଏହି ନିଷ୍ପତ୍ତି ନେଇଛି। ସାଲିଲ ପାରେଖ ଜାନୁଆରୀ ୨୦୧୮ ଠାରୁ ଇନଫୋସିସର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ତଥା ପରିଚାଳନା ନିର୍ଦ୍ଦେଶକ ଭାବରେ କାର୍ଯ୍ୟ କରିଆସୁଛନ୍ତି।
