ସନଷ୍ଟାର ଟିଭି ବ୍ୟୁରୋ
ହରିୟାଣା : ଘଟିଯାଇଛି ଏକ ଦୁର୍ଘଟଣା। ଅସ୍ଥି ବିସର୍ଜନ କରିବାକୁ ଯାଇ ଚାଲି ଗଲା ୫ଜୀବନ। ହରିୟାଣାର ରେୱାରୀ ନିକଟରେ ଘଟିଛି ମର୍ମନ୍ତୁଦ ସଡକ ଦୁର୍ଘଟଣା।ଏହି ଘଟଣାରେ ୨ଜଣ ମହିଳାଙ୍କ ସମେତ ୩ ଜଣ ପୁରୁଷଙ୍କର ମୃତ୍ୟୁ ଘଟିଛି। ଏହା ସହିତ ୭ଜଣ ଆହାତ ମଧ୍ୟ ହୋଇଛନ୍ତି। ସମସ୍ତେ ଗୋଟିଏ ପରିବାରର ସଦସ୍ୟ ବୋଲି ସୂଚନା ମିଳିଛି। ତେବେ ସୂଚନା ମୁତାବକ ଏହି ପରିବାର ସଦସ୍ୟ ମାନେ ତାଙ୍କ ଜେଜେବାପାଙ୍କର ଅସ୍ଥି ବିର୍ସଜନ କରିବା ପାଇଁ ହରିଦ୍ୱାରରୁ ଜୟପୁର ଯାଉଥିଲେ। ଦିଲ୍ଲୀ ଏବଂ ଜୟପୁର ରାଜପଥରେ ଦ୍ରୁତ ଗତିରେ ଯାଉଥିବା ବେଳେ ପାର୍କିଂରେ ଥିବା ଏକ ଟ୍ରକ ସହିତ ଧକ୍କା ହୋଇଥିଲା। ଫଳରେ ଦୁର୍ଘଟଣା ସ୍ଥଳରେ ୫ଜଣଙ୍କର ଜୀବନ ଚାଲିଯାଇଥିଲା। ତେବେ ଏଥିରେ ମୋଟ ୧୭ ଜଣ ସଦସ୍ୟ ଥିଲେ। ଆହତ ମାନଙ୍କୁ ମେଡିକାଲରେ ଭର୍ତ୍ତି କରାଯାଇଛି। ବର୍ତ୍ତମାନ ମାମଲାର ତଦନ୍ତ ଚାଲିଛି ବୋଲି ବାୱାଲର ସବ ଡିଭିଜନାଲ ମାଜେଷ୍ଟର ସଞ୍ଜୀବ କୁମାର ସୂଚନା ଦେଇଛନ୍ତି।
