ସନଷ୍ଟାର ଟିଭି ବ୍ୟୁରୋ
ନୂଆଦ୍ଲିଲୀ: ସୁପରଷ୍ଟାର ମହେଶ ବାବୁଙ୍କ ସିନେମା ସାର୍କରୁ ଭାରୀ ପଟା ଆଜି ପ୍ରେକ୍ଷାଳୟକୁ ଆସିଛି । ଏହି ଫିଲ୍ମଟି କର୍ଣ୍ଣାଟକ, ତାମିଲନାଡୁ, କେରଳ ଏବଂ ତେଲୁଗୁ ଭାଷାରେ ମୁକ୍ତିଲାଭ କରିଛି । ଏହି ଫିଲ୍ମ ଅନ୍ୟ କୌଣସି ଭାଷାରେ ଡବ୍ କରାଯାଇ ନାହିଁ । ତଥାପି ଏହି ଫିଲ୍ମଟି ଭାରତରେ ୫୦ କୋଟି ଟଙ୍କାର ଆୟ କରିବ ବୋଲି ଆଶା କରାଯାଉଛି । ଏହି ଫିଲ୍ମକୁ ନେଇ ଏବେ ଚାରିଆଡେ ଚର୍ଚ୍ଚା । ଏମିତି ରେ ଦକ୍ଷିଣ ଭାରତର ସବୁ ଫିଲ୍ମ ବକ୍ସ ଅଫିସ୍ ରେ ହିଟ୍ ହେବା ସହ ନୂଆ ଇତିହାସ ତିଆରି କରୁଛି ।
ସାଉଥ୍ ସୁପରଷ୍ଟାର ମହେଶ ବାବୁଙ୍କ ପୂର୍ବ ସିନେମା ‘ସରିଲେରୁ ନୀକେଭାରୁ’ ଏକ ବଡ ଧରଣର ହିଟ୍ ହୋଇଥିଲା । ଏହା ସାରା ବିଶ୍ବରେ ବକ୍ସ ଅଫିସ୍ ରେ ୨୫୦ କୋଟି ଟଙ୍କା ସଂଗ୍ରହ କରିଥିଲା । ସାର୍କରୁ ଭାରୀ ପଟା ଫିଲ୍ମର ମୁଖ୍ୟ ଭୂମିକାରେ ସୁପରଷ୍ଟାର ମହେଶ ବାବୁ ଏବଂ କିର୍ତ୍ତୀ ସୁରେଶ ଅଭିନୟ କରିଛନ୍ତି ।ଏହି ସିନେମାକୁ ପରସୁରାମ ଉଭୟ ଲେଖିବା ସହ ନିର୍ଦ୍ଦେଶନା ଦେଇଛନ୍ତି । ଅଭିନେତା ମହେଶ ବାବୁ ଏବଂ କିର୍ତ୍ତୀ ସୁରେଶ ଉଭୟ ବହୁ ସିନେମାରେ ଅଭିନୟ କରି ଦର୍ଶକଙ୍କ ମନ ଜିତିଛନ୍ତି । ତେବେ ‘ସାର୍କରୁ ଭାରୀ ପଟା’ ଫିଲ୍ମ କେତେ ଦର୍ଶକଙ୍କୁ ପସନ୍ଦ ଆସୁଛି ତାହା ଦେଖିବା ବାକି ରହିଲା ।(ରିପୋର୍ଟ: ସୋନାଲି)
