ସନଷ୍ଟାର ଟିଭି ବ୍ୟୁରୋ
ଝାରସୁଗୁଡା :ବ୍ରଜରାଜନଗର ଉପନିର୍ବାଚନ ପାଇଁ ସବୁ ଦଳର କସରତ ଆରମ୍ଭ ହୋଇଛି,ମେ’ ୩୧ ରେ ପଡିବ ଭୋଟ, ସେପଟେ ଆଜି ବ୍ରଜରାଜନଗର ପାଇଁ ବିଜେଡି ଘୋଷଣା କରିଛି ପ୍ରାର୍ଥୀ। ସ୍ବର୍ଗତ କିଶୋର ମହାନ୍ତିଙ୍କ ସ୍ତ୍ରୀ ହେଉଛନ୍ତି ଅଳକା। ଅଳକା କହିଥିଲେ ମାନ୍ୟବର ମୁଖ୍ୟମନ୍ତ୍ରୀ ଆସ୍ଥା ପ୍ରକଟ କଲେ ନିଶ୍ଚୟ ଲଢ଼ିବି। ଶେଷରେ ଅଳକାଙ୍କ ମୁଣ୍ଡରେ ସୁନା କଳସ ଢ଼ାଳିଛି ବିଜେଡି। ତେବେ କିଶୋର ମହାନ୍ତିଙ୍କ ଦେହାନ୍ତ ପରେ ଖାଲି ପଡିଥିଲା ଏହି ଆସନ ଆଉ ଏବେ ବହୁଚର୍ଚ୍ଚିତ ବ୍ରଜରାଜନଗର ଉପ ନିର୍ବାଚନ ପାଇଁ ବିଜେପି ପ୍ରାର୍ଥୀ ଘୋଷଣା କରିଥିବାବେଳେ ବିଜେଡି ବି ପ୍ରାର୍ଥୀ ଙ୍କ ନାମ ଘୋଷଣା କରିସାରିଲାଣି। ସମସ୍ତଙ୍କ ନଜର ଏବେ କଂଗ୍ରେସ ପ୍ରାର୍ଥୀଙ୍କ ଉପରେ।
