ସନଷ୍ଟାର ଟିଭି ବ୍ୟୁରୋ
ନୂଆଦ୍ଲିଲୀ: ଆଜି କାଲି ଭଲ କଲେ ଖରାପ । ଏହ ଭିଡିଓ ଦେଖିଲା ପରେ ଆପଣ ନିଶ୍ଚିତ ଏହା ହିଁ କହିବେ । ଆଜିକା ସମୟରେ କାହାରିକୁ ସାହାର୍ଯ୍ୟ କରିବା ପୂର୍ବରୁ ଆପଣ ଦୁଇଥର ଭାବିବେ ନିଶ୍ଚିତ । ଏବେ ସୋସିଆଲ ମିଡଆରେ ଏମିତି ଏକ ଭିଡିଓ ଭାଇରାଲ ହେବାର ଲାଗିଛି । ଯେଉଁଥିରେ ଗୋଟିଏ ମହିଳାଙ୍କୁ ଅତି ନୃଶଂସ ଭାବେ ଦୁଇ ଜଣ ବ୍ୟକ୍ତି ମାଡ ମାରିବା ସହ ଚଳନ୍ତା କାରରେ ଟାଣି ନେଉଛନ୍ତି । ସୂଚନାମୁତାବକ ଏଭଳି ଅମାନବିକ ଘଟଣା ଘଟିଛି ଜାତୀୟ ରାଜଧାନୀର ଅମର କଲୋନୀ ଅଞ୍ଚଳରେ । ତେବେ ପୁରା ଘଟଣାଟି ଜାଣିଲେ ଆପଣ ନିଶ୍ଚିତ ଆଶ୍ଚର୍ଯ୍ୟ ହୋଇଯିବେ ।
ଖବର ଅନୁଯାୟୀ, ଏକ ଘରୋଇ କ୍ୟାବରେ ବସିଥିବା ମହିଳା ରାସ୍ତାରେ ଦୁଇଜଣ ଯୁକ୍ତିତର୍କ କରୁଥିବା ଡ୍ରାଇଭରଙ୍କ ମଧ୍ୟରେ ହସ୍ତକ୍ଷେପ କରିବାକୁ ରାସ୍ତାରେ ଓହ୍ଲାଇଥିଲେ । ମହିଳା ଜଣଙ୍କ ସେମାନଙ୍କ ଯୁକ୍ତିତ୍ର୍କ କୁ ବନ୍ଦ କରାଇବାକୁ ଚେଷ୍ଟା କରିଥିଲେ । ହେଲେ ଘଟଣା ବଦଳି ଯାଇଥିଲା । ସେମାନେ ହଠାତ୍ ମହିଳାଙ୍କୁ ଆକ୍ରମଣ କରିବାକୁ ଲାଗିପଡିଥିଲେ । ଦେଖୁ ଦେଖୁ ଘଟିଗଲା ଏକ ଆଶ୍ଚର୍ଯ୍ୟକର ଘଟଣା । ମହିଳାଙ୍କୁ ମାଡ ମାରିବା ସହ ଚଳନ୍ତା କାର୍ ଦ୍ୱାରା ଘୋଷାଡି ନେଇଥିଲେ ଦୁଇ ଯୁବକ।
ତେବେ ଏହି ଘଟଣାଟି ଘଟିଛି ଜାତୀୟ ରାଜଧାନୀରେ । ଯାହାକି ସମ୍ପୂର୍ଣ୍ଣ ଭାବେ ନିନ୍ଦନୀୟ। ଏହି ଖବର ପାଇବା ପରେ ଦ୍ଲିଲୀ ପୋଲିସ ଏହି ମାମଲାକୁ ନେଇ ଏଫ୍ଆଇଆର୍ ପଞ୍ଜୀକୃତ କରି ଗାଡିଟିକୁ ଜବତ କରିଛି । ପୋଲିସ ବାଲେନୋ କାର ସହିତ ଅଭିଯୁକ୍ତଙ୍କ ମଧ୍ୟରୁ ଜଣକୁ ଗିରଫ କରାଯାଛି । ଏହାସହିତ ଏହି ଘଟଣାର ଅଧିକ ତଦନ୍ତ ଚାଲିଛି ବୋଲି ଦିଲ୍ଲୀ ପୋଲିସ ଟ୍ୱିଟର ମାଧ୍ୟମରେ ସୂଚନା ଦେଇଛନ୍ତି।(ରିର୍ପୋଟ:ସୋନାଲି)
