ସନଷ୍ଟାର ଟିଭି ବ୍ୟୁରୋ
ରିର୍ପୋଟ: ଚାଲିଛି ଆଇପିଏଲ ମହାମୁକାବିଲା। ଆଇପିଏଲ ଟ୍ରଫି ହାତେଇବା ପାଇଁ ସବୁ ଦଳ ତାଙ୍କର ଉଦ୍ୟମ ଜାରି ରଖିଛି। ସେହିଭଳି ଆଜିର ଖେଳ ମୈଦାନରେ ସାମ୍ନା ସାମ୍ନି ହେବେ ଗୁଜୁରାଟ ଲାଇଅନ୍ସ ଆଉ ମୁମ୍ବାଇ ଇଣ୍ଡିଆନ୍ସ। ଆଇପିଏଲର ୫୧ ତମ ମ୍ୟାଚ ବାରବୋରନ ଷ୍ଟାଡିୟମ ଠାରେ ଖେଳାଯିବ। ପଏଣ୍ଟ ଟେବୁଲ ସବୁଠାରୁ ଶୀର୍ଷରେ ଥିବା ଗୁଜୁରାଟ ସହ ପଏଣ୍ଟ ଟେବୁଲର ଶେଷରେ ଥିବା ମୁମ୍ବାଇ ସହ ଆଜି ଖେଳ ହେବ। ତେବେ ଆରସିବି ବିପକ୍ଷରେ ପ୍ରଥମ ମ୍ୟାଚ ଜିତିଥିବା ଏମଆଇ ଆଜି ପୁଣି ମ୍ୟାଚ ଜିତିବ ବୋଲି ଆଶା କରାଯାଉଛି। ଲଗାତାର ସବୁ ମ୍ୟାଚ ହାରିବା ପରେ ଗୋଟିଏ ମ୍ୟାଚ ଜିତି ନିଜର ପ୍ରଶଂସକ ମାନଙ୍କୁ ଟିକିଏ ଖୁସି ଦେବାରେ ସଫଳ ହୋଇଥିବା ଏମଆଇ ତାର ସବୁ ରଣନୀତିକୁ ଆଜି ମୈଦାନରେ ଓହ୍ଲାବ ବୋଲି ଆଶା କରାଯାଉଛି। ସେପଟେ ପଞ୍ଜାବ ଠାରୁ ପରାଜୟ ସ୍ବୀକାର କରିଥିବା ଗୁରୁରାଟ କୌଣସି ପକ୍ଷେ ନିଜର ପରାଜୟ ଆଶା କରୁ ନାହିଁ। ତେଣୁ ଆଜିର ମ୍ୟାଚ ଟି ଅତ୍ୟନ୍ତ ରୋମାଞ୍ଚକ ପୂର୍ଣ୍ଣ ହେବାକୁ ଯାଉଛି। ତେବେ ସନ୍ଧ୍ୟା ୭.୩୦ ରେ ଏହି ଖେଳ ହେବାକୁ ଥିବା ବେଳେ ଏହାକୁ ନେଇ ପ୍ରଶଂସକ ଙ୍କ ମନରେ ଉତ୍କଷ୍ଠା ଭରି ରହିଛି।
