ସନଷ୍ଟାର ଟିଭି ବ୍ୟୁରୋ
କଟକ : ରାଜ୍ୟରେ ଖରା ତାପମାତ୍ରା ବଢ଼ିବାରେ ଲାଗିଛି। ଏହି ପ୍ରଚଣ୍ଡ ତାତିରେ ସ୍ଵେଚ୍ଛାସେବୀ ସଂଗଠନ ସକ୍ଷମ ପରିବର୍ତନ ପକ୍ଷରୁ ଆଳି ଛକମାନଙ୍କରେ ଡ୍ୟୁଟି କରୁଥିବା ଟ୍ରାଫିକ ପୋଲିସ କର୍ମଚାରୀମାନଙ୍କୁ ଥଣ୍ଡା ପାଣି ବୋତଲ , ଟରକିସ୍ ଟାୱେଲ ସହିତ ପ୍ରଚଣ୍ଡ ଖରାରେ ନିଜର ଡ୍ୟୁଟି ସଂପାଦନା କରୁଥିବାରୁ ଏକ ଧନ୍ୟବାଦ କାର୍ଡ ପ୍ରଦାନ କରାଯାଇଛି । ସଂଗଠନର ପ୍ରତିଷ୍ଠାତା ସଭାପତି କୁମାର ପ୍ରିୟଦର୍ଶନଙ୍କ ନେତୃତ୍ବରେ ଆଜି ମଧୁପାଟଣା ଛକଠାରୁ ଏହି କାର୍ଯ୍ୟକ୍ରମ ଆରମ୍ଭ କରାଯାଇଥିବା ବେଳେ ବାଦାମବାଡି , ଦୋଳମୁଣ୍ଡାଇ , ବଜ୍ରକବାଟି ରୋଡ , ରାଣୀହାଟ , କଲେଜଛକ , ଓଏମପି ଏବଂ ଶିଖରପୁର ଛକଠାରେ କାର୍ଯ୍ୟରତ ଟ୍ରାଫିକ କର୍ମଚାରୀଙ୍କୁ ସଂଗଠନର ସଦସ୍ୟମାନେ ଏହିସବୁ ସାମଗ୍ରୀ ବିତରଣ କରିଥିଲେ ।
ସୂଚନାଯୋଗ୍ୟ ଯେ , ଏହି ସଂଗଠନ ମହାରାଷ୍ଟ୍ରର ପୁନାଠାରେ ମୁଖ୍ୟ କାର୍ଯ୍ୟାଳୟ ଅଧ୍ଵନରେ ବିଭିନ୍ନ ଜନହିତକର କାର୍ଯ୍ୟମାନ କରିଆସୁଥିବା ବେଳେ ବର୍ତ୍ତମାନ କଟକ ନୂଆ ରାଉସାପାଟଣା ଠାରେ ଶାଖା କାର୍ଯ୍ୟାଳୟ ଖୋଲାଯାଇ ଓଡିଶାର ବିଭିନ୍ନ ଅଂଚଳରେ ଲୋକହିତକର କାର୍ଯ୍ୟ କରାଯିବ ବୋଲି ସଭାପତି ଶ୍ରୀ ପ୍ରିୟଦର୍ଶନ ପ୍ରକାଶ କରିଛନ୍ତି । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ କାର୍ଯ୍ୟକାରୀ ଅଧ୍ୟକ୍ଷ ହରିହର ସେନ , ଦୁର୍ଲ୍ଲଭ ମହାରଣା , ଚନ୍ଦନ ରାଉତ , ପ୍ରବୀଣ ବରାଳ , ହିମାଂଶୁ ଶେଖର ସାହୁ , ଅମରେଶ ଦାସ , ଅବନୀନ୍ଦ୍ର ଦାସ , ଦିଲ୍ଲିପ ରାମ ଶର୍ମା ପ୍ରମୁଖ ସହଯୋଗ କରିଥିଲେ ।
